________________
10
जयन्तीप्रकरणवृत्तिः । गाथा २१३
उवचियदलम्मि एसो सत्तङ्गपयट्ठियम्मि रज्जम्मि । गयकलहे मयरहिए दाणं पयडेइ चुज्जमिणं ॥९८॥ मंतीणं मंतेसु वि मंडलमालोइऊण आणाए । दुट्ठाणं सिट्ठाणं व, निग्गहाणुग्गहासत्तो ॥९९॥ सद्दावसहवागरणछंददिन्नावहाणमणपसरो । सव्वत्थ सव्वकुसलो समरसहावो वि सोममुहो ॥१००॥ अवरावरदेसंतरसमागयाणं महत्थपुरिसाणं । दितो मणचमक्कारं साहंकारं इमं वयइ ॥१०१।। किं ? नत्थि अम्ह रज्जे जमत्थि देसंतरे रायाणं । इय कहह मज्झं संपइ कारिज्जइ जेण तं पि इह ॥१०२॥ अह ते भणंति नरखर ! चित्तसहावज्जियं तुह समिद्धं । सव्वं एयं भणिमो चित्तसहावज्जियं रज्जं ॥१०३।। आयसइ तओ सेणिं चित्तगराणं सयाणिओ राया । चित्तसहं तह चित्तह चित्तयरी सावि जह होइ ॥१०४|| तत्तो विभागपुव्वं चित्तसहं चित्तयंति चित्तयरा । साहियणं नरवइणो सच्चाविज्जंतवावारं ।।१०५॥ चिट्ठइ जत्थ नरिंदो लद्धवरो तत्थ चित्तइ स चित्तो ॥ जालंतरेण दिट्ठो मियावईचरणअंगुठो ॥१०६।। लिहिअं तीए रूवं देवीए तेण तो तहारूवं । मसिबिंदू ऊरुम्मि य नयणुम्मीलणखणे जाओ ॥१०७।। तो सो अवणिज्जइंतो तहट्ठिओ चेव होइ पुणरुत्तं । तिलएणं होयव्वं उविक्खिओ तेण सो जेण ॥१०८।। निव्वत्तियम्मि चित्ते पिच्छन्तो कोउगेण तत्थ निवो । देवीरूवं दटुं हरिसवसोल्लसियरोमंचो ॥१०९॥ पिक्खिय पण मसिबिंद कोवानलजलणखेरुयायारं ।
चित्तगरस्स व सक्खं उदयगयं पावलेसं च ॥११०।। १. शब्दापशब्द । २. चित्रस्वभावाजितं । ३. चित्रसभावजितं । ४. चित्रकरः ।
15
20
25
Jain Education International 2010_02
For Private & Personal Use Only
www.jainelibrary.org
