________________
जयन्तीप्रकरणवृत्तिः । गाथा २।३ जह गिम्हेण तत्ते, जए जवासाण अंकुरुल्लासो । तत्ते दुहेहिं लोए, तह पुलओ दिव्व ! तुह अंगे ॥५९।। चिन्तानलेण तत्तं, हद्धी पीडेइ लोहमिव लोयं । छट्ठारो इव दइवो, आवइघणघायघडणेहिं ॥६०॥ आसातरुस्स मह, पुत्तयस्स जत्तेण पालियस्सेह । तं सहसा निक्करुणो, पभंजणो दिव्व ! उच्छलिओ ॥६१।। अबलाए थेरीए, दीणो दुक्खलक्खभरियाए । हा हा कयन्त ! निग्विण ! न लज्जसे कीस ? पहरंतो ॥६२॥ निक्कारणकोवानलतत्ते हिययत्थलम्मि तुह दिव्व !। अहवा कह संपज्जउ ?, सच्चं करुणुग्गमो निच्चं ॥६३।। सो वि तुह हुज्ज तम्मि वि, सिञ्चन्ते कहवि बाहसलिलेहिं । इय आसाए नडिया, रुयामि कीणास ! दीणाऽहं ॥६४|| इय विलवन्तीं थेरिं, पुच्छइ चित्तयरदारगो एवं । अम्मो ! कीस सकरुणं, रोइसि ? सोयानलालिद्धा ॥६५।। सिट्ठम्मि कारणम्मी, करुणादक्खिन्नपरवसमणेण । तोऽणेणं सा भणिया, जक्खं अहमेव चित्तिस्सं ॥६६॥ तीए पुणो वि वुत्तं, किंतु तुमं वच्छ ! मह न पुत्तो सि ? । साहसरसिएणेवं, तयहुत्तं तेण तो वुत्तं ॥६७॥ जइ भंगुरकाएणं, जणणीमित्ताण पाणरक्खाए । अम्मो ! हविज्ज धम्मो, रम्मो ता किं न पज्जत्तं ? ॥६८॥ अह चिंतइ सा थेरी, सिरिअयले साहसम्मि एयस्स । जक्खस्स वसीकरणी ववसायमहोसही अस्थि ।।६९।। सत्ताहियम्मि पुरिसे, खीरोयसरिच्छयम्मि गंभीरे । महियम्मि वि अमियरसो, संपज्जइ ? किन्नु चुज्जमिणं ॥७०॥ परउवयारसरोरुह !, अणब्भत्थियसूरनिम्मलपयाव ! । तं पुत्ताओ वि सुहओ, वच्चन्तो देसि संतावं ॥७१॥
15
20
25
Jain Education International 2010_02
For Private & Personal Use Only
www.jainelibrary.org
