________________
10
जयन्तीप्रकरणवृत्तिः । गाथा २।३
इय तीए एस भणिओ, जंपइ संपइ तहा जइस्समहं । जह तुम्हं अम्हाण य कयरक्खो होइ जक्खो वि ॥७२।। ता सो दिव्वमुहुत्ते, कयच्छडो न्हाय अहयसियवत्थो । अट्ठगुणपोत्तियाए सम्मं ठइऊण मुहकमलं ॥७३।। न्हविउं पउमपिहाणयगंधोदयभरियकणयकलसेहिं । नवभायणअसिलेसयनववन्नयकुच्चियाहत्थो ॥७४।। चित्तेउं जत्तेणं महारिहं कारवेइ अह पूयं । विन्नवइ जक्खरायं सुरप्पियं परमभत्तीए ॥७५।। खमियव्वं अवरद्धं जमिह मए नाह ! मूढहियएण । पणयजणवच्छलाउ, हुंति जओ देवया देव ! ॥७६।। एसो हि पुरिसरयणं, गारवगारेण वज्जिओ सच्छो । तेयस्सी महमाणसमोहणकरणेक्कमाहप्पो ॥७७॥ विणयंगएणं एएण, मज्झ दढपक्खमुव्वहंतेण । बहुवन्नसंथवेणं कोवो सप्पो व्व विद्दविओ ॥७८॥ एयस्स विवेएणं ससिमंडलनिम्मलेण मह सहसा । सह सायरेण मणसा उल्लसियं कुवलयं सव्वं ॥७९।। इय चिंतिऊण जक्खो, पच्चक्खो चलिरकुंडलाहरणो । सहरिसमुहारविंदो, साणंदो, भणिउमाढत्तो ॥८०॥ चित्तगरो चित्तगरो, चित्तहरो तं सि महासत्तो । तं मग्गसु वरमिन्हि, सहलो जं होइ महतोसो ॥८१॥ तो सो चित्तयरवरो, भणइ अलोहो अक्खोहपरिणामो । किं ? तुम्ह दंसणाओ, अवरो वि वरो मज्झ ॥८२॥ जखेण पसन्नेणं, सो वोत्तो तहवि दंसणं अम्ह । होइ अमोहं किंचिवि, अन्नं पत्थेसु ता वच्छ ॥८३॥ वच्छो चेव सकरुणो सच्छाओ मज्झ ताव संतत्तं ।
जह निव्ववेमि लोयं सरसं दिढेि तहा खिवसु ॥८४॥ १. आश्चर्यकरः ।
25
Jain Education International 2010_02
For Private & Personal Use Only
www.jainelibrary.org
