________________
5
10
15
20
25
८
जयन्ती प्रकरणवृत्तिः । गाथा २१३
Jain Education International 2010_02
जणापवाहललिओ कण्हो च्चिय जीए कुंतलकलावो । कस्स न हरेइ हिययं ? कुडिलो वि य जेण अइगरुओ ||३३|| किं तीए वन्निज्जइ ? आएज्जवग्गुवयणाए । अलियं पि सच्चविज्जइ अणुरायपरायणजणेण ॥३४॥ विब्भमरससरियासुं, जीए दिट्ठीसु सरलतरलासुं । सोहंति भूलयाओ घणसेवलवल्लरीओ व्व ॥३५॥ मयणस्स व धणुलट्ठीलट्ठाओ भूलया विरायंति । जीए मोहणवाणो नासावंसो वि सोहेइ ||३६|| लम्बसवणा व लम्बिरमणिकुंडलमंडियकवोला। जा दिलच्छी पुव्वावर दिसि रविचन्दबिंब व्व ॥३७॥ कोमलमुणालसुहओ जीए रसपूरपूरिओ अहरो । रेहइ सच्चं सोणो जो सो पुन्नागकयकेली ॥३८॥ मुहचंदचंदिमाए निद्दोसत्तेण सऊणचक्काणं । दिन्नो हरिसो जीए पइदिवसं दिप्पमाणीए ||३९|| सिद्धाऽहं पत्तिज्जसु रेहा पुव्वं तिहा भणेऊण | कंठे जीए निवसइ सरस्सई बंभलोगाओ ||४०|| सुकुमालसरलमंसलबाहुलया पाणिपल्लवोल्लासा । काम लट्ठट्ठा गरिगुणकोडिरमणीया ॥ ४१ ॥ जीए विहिणा विहियं अहियं लावन्नमंगुवंगेसु | तमऽमायन्तं पिंडीभूयं सिहिणच्छला नूणं ॥४२॥ लावन्नामयभरिए नाभीहरयम्मि जोव्वणसिरीए । कीलंतीए पसरिया तरंगमाल व्व तिवलीओ ||४३|| जीए नियंबो अप्पडिबिंबो मणिमेहलाए साहिंतो । सिंगारखीरजलनिहिरयणद्दीवो व्व रमणीओ ॥४४॥ जीए सिरीससोमालमंसलं ऊरुजुयलमइरुइरं । सुहयसुवहाणजमलं रेहइ रईवल्लहस्सेव ॥४५॥
१. बाणः । २. स्तनच्छलात् । ३. सुखदसूपधानयमलम् ।
For Private & Personal Use Only
www.jainelibrary.org
