________________
10
जयन्तीप्रकरणवृत्तिः । गाथा २३
भोगीहिं विबुहेहिं, अइसयपुन्नेण मणुयलोएण । जीए नयरीए सच्चं, तिहुयणलच्छीण सहवासो ॥२०॥ आसातीए पुरीए रज्जं निक्कंटयं अणुहवन्तो । सहसाणीयमहानिवपुत्तो राया सयाणीओ ॥२१॥ जस्साऽसिलया दीहीभूया जलपूरपुक्खराइन्ना।। जत्थ जयलच्छिकीलापयावमुल्लासए चोज्जं ॥२२॥ जस्स य रणभूमीए, जलहरतलवारिधारसंपाए । सुहडाणं खेत्तेसुं, बहुसालिसिराइं निवडंति ।।२३।। नयविक्कमखीरोयहिनिग्गयजसरायमंडलं जस्स । उल्लासं कमलाणं भुवणे उवणेइ चोज्जमिणं ॥२४॥ उदंडपुंडरीयं दटुं जस्स य चयन्ति दूरेण । अहियं अहियकुरंगा न विम्हउ एत्थ विबुहाण ।।२५।। जो दण्डमंडलजुओ पयावविद्दवियपरमहिमभावो । सूरो वि कोमलकरो रेहइ राया कलाकलिओ ॥२६॥ भिन्नारिकुंभिकुंभयेडगलियमुत्तालिविरइयचउक्का । जस्स गुरुसमरधरणी जयसिरिवीवाहवेइ व्व ॥२७।। पडिनिवइनिवहभयचवलचित्तदोलाए खेलइ सहेलं । पल्हत्थियथम्भाए आणा जस्सेह अच्छरियं ॥२८॥ जस्स पयाणे गयणे अइसयघणरेणुपडलत्थलसंका । दुर्मिति सारहिं रहतुरया वेल्लणमणा रविणो ।।२९।। जस्स कढिणत्तरहिओ चोज्जं गुणकोडिसरलयासहिओ । अक्खित्तमग्गणगणो परलोयजयं कुणइ चाओ ॥३०॥ ईसरजडाहिरामा, कित्ती जस्सेह सुरसरिसरिच्छा । तिहुयणअलंघणिज्जा, सलाहणिज्जा सुराणं पि ॥३१॥ तस्स य देवी इट्ठा, मियावई सीलपावियपइट्ठा ।
चेडयनरिंदधूया सोहग्गमहग्घवियरूवा ॥३२॥ १. शार्दूल । २. तटगलित । ३. स्वर्गङ्गासदृशी ।
25
Jain Education International 2010_02
For Private & Personal Use Only
www.jainelibrary.org
