________________
10
जयन्तीप्रकरणवृत्तिः । गाथा २।३ खीरोयसरिसगोउलसएसु दिसिदिसिसरंतपहियाणं । पंथजरा अवणिज्जइ जत्थ य पीयूसपाणेण ॥७॥ घणकुसुमगुच्छकोमललयाण अवलोयणेण उम्माहो । पहियाण पिययमासुं वम्महसरसल्लियंगाणं ॥८॥ अलिकुलकोमलकुंतलकलावअइललियवलितरंगाओ । वियसियमुहारविन्दा सरसीओ तरुणीसरसीओ ॥९।। दुब्भिक्खडमरचोरारिमारिदुट्ठव्वणाण सव्वाण । अविणिज्जियमाहप्पो पभंजणो कोइ जो दिव्वो ॥१०॥ कोसंबी तत्थ पुरी सुविभत्तचउक्कचच्चराइन्ना । अवरावरदेसंतरनेगमववहारसंकिन्ना ॥११॥ फुल्लंधयाण जीए वणेसु भमिराण महुरझंकारो । पइदिसमुर्वितलच्छीमणिनउररणज्झणारावो ॥१२॥ सविमाणसूरससिणो वीरं तिपयाहिणीं करेमाणा । जीइ वणलच्छिमणिमयकुण्डललीलं विडंबिसु ॥१३|| जीए य नीलमणिमयपासायपरम्पराहिं रम्माए । सियपायारो रेहइ सेसो इव कण्हसुत्तीए ॥१४।। जीए सियपायारो परिहाजलपूरजायपडिबिंबो । साहइ सिरिदसणूसुयआगयपायालगंग व्व ॥१५।। तरुणतरुणीण नानामणिभूसणकिरमंजरिंगणेहिं । तं पंचवन्नकुसुमोवहाररुइरो य रायपहो ॥१६॥ जीए जिणमंदिरेसुं सहति सियचलिरवेजयंतीओ। नंकारावइ पुन्नोदयखीरनिहिबहललहरीओ ॥१७॥ कल्लाणमयमहूसवमंदरमंथेण सव्वविबुहेहिं । मत्थिञ्जते दुरियऽन्नवम्मि जत्थुच्छलइ लच्छी ॥१८॥ सुमणसजणाण पीयूसपाणललियाई जत्थ अच्छेरं । सारंगजुयलसंगयसहरिसगोविंदलक्खाइं ॥१९॥
15
20
25
Jain Education International 2010_02
For Private & Personal Use Only
www.jainelibrary.org
