________________
३१७
10
जयन्तीप्रकरणवृत्तिः ।गाथा ४।५।६
इहलोयपडिबद्धा गिद्धा भोएसु तेण ते भणिया । होमि अहं परिवायगमुणी तवस्सी तओ तुम्हे ॥४॥ कुणह पसिद्धिं लोए एस मुणिन्दो महातवस्सी य । नाणी जाणइ सव्वं मासक्खमणेण पारेइ ।।५।। तव्वयणे पडिवन्ने गामत्तयमझभायमह वासी ।
चिट्ठइ रुक्खकिसंगो परिवायगवेसदंभेण ॥६॥ .. उक्तं च
"निमीलयन्ति नयने शोषयन्ति तनुव्रतैः । दम्भारम्भेण वर्तन्ते लाभपूजायशोर्थिनः" ॥७॥ [ ] लोयग्गे ते वि विडा तस्स पसंसं कुणन्ति एस मुणी । जंगमतित्थं मासक्खवणेणं चेव पारेइ ॥८॥ आउट्रो तो लोओ ठगतवस्सिस्स तस्स भत्तीए । परमायरेण पूयं महारिहं कुणइ अणुदिवसं ॥९॥ विन्नवइ जणो अम्हं गिहाइं तुह पायपउमपूयाइं । हुन्ति मुणिराय ! किज्जउ तत्थागमणेण सुपसाओ ॥१०॥ आहओ सो तेसिं गिहागओ विहियविविहसम्माणो । धम्मत्थियलोएणं दंसियनियविविहसब्भावो ॥११।। तेसि विडाण पुरओ कहइ जणाणं गिहेसु गिहसारं । अवदारं दारं वा भंडारं संधिकुट्ठारं ॥१२॥ रयणीए तेहिं समं खत्तपयाणेण मुसइ सव्वस्सं । एवं वच्चइ कालो मायामोसेण दोसेण ॥१३॥ मायामोसे पावट्ठाणे सेसाणि पावट्ठाणाणि । जायंति जह अजिन्ने जियाण रोगा समग्गा वि ॥१४॥ एगम्मि दिणे खत्ते पत्ते एगम्मि ताण चोरम्मि । तज्जिन्तेणं तेणं निवेइए वइयरे तम्मि ॥१५॥ से तवस्सी निग्गहिओ सहेव सव्वेहिं तेहिं चोरेहिं । निन्दिज्जन्तो तज्जणताडणपमुहाई दुक्खाइं ॥१६॥
25
Jain Education International 2010_02
For Private & Personal Use Only
www.jainelibrary.org
