________________
३१५
जयन्तीप्रकरणवृत्तिः । गाथा ४।५।६
पयडियसिवपुरसरणी जयसि तुमं सीलसल्लईकरिणी । गुणरयणरासिधरणी जिणसासणकाणणे हरिणी ॥९७।। एवं थुणिज्जमाणा साणन्दनरिन्दजणसहस्सेहिं । पुव्वपओलिदुवारे नन्दीनाएण सा एइ ॥९८॥ नाणप्पमुहतिगेणिव सिवपुरदारं व तयणु विमलेण । चालणिजलचुलुएहिं तिहिं सित्तं उग्घडइ दारं ॥१९॥ गयणयले देवेहिं धरणियले माणवेहिं साणन्दं । अग्घंजलीसणाहो जयजयकारो कओ तीए ॥१००॥ सव्वोवतावसमणो भवियणकुमुयाण रोहिणीरमणो । तेलोक्कदिन्नसम्मो कप्पडुमो जयउ जिणधम्मो ॥१०१।। जत्थेरिसी सईओ निच्चलसम्मत्तनिम्मलमईओ । देवकयपाडिहेरा सुसाविया संति गंभीरा ॥१०२।। अन्तो बहिं पि विमला जीवा मुत्ताहलं व जे हुन्ति । छिद्दे वि ताव कहमवि गुणेहि परिपूरिए लोओ ॥१०३॥ हियए करेइ धरणं अहोनिसं एत्थ जह सुभद्दाए । देववियन्नग्घाए महासईए महग्घाए ॥१०४॥ उक्किट्ठसिंहनाए पइक्खणपसरन्तदुन्दुहिनिनाए । एवं दक्खिणपच्छिमबारुग्घडणे वि संजाए ॥१०५।। भणइ सुभद्दा अन्ना जा कावि महासई हवइ एत्थ । सा चेवोग्घाडिस्सइ चउत्थपोलीदुवारं पि ॥१०६॥ एवं परपरिवाओ जाहि कओ ताण दीवयसएहिं । दोसागमकलुसाइं कहमवि न मुहाई दीसन्ति ।।१०७।। एयं पावट्ठाणं परपरिवायं मुणित्तु जे जीवा । न कुणन्ति ताण भई होइ सुभद्दा व्व माणेण ॥१०८॥
परपरिवादकथानकम् ॥
15
20
25
Jain Education International 2010_02
For Private & Personal Use Only
www.jainelibrary.org
