________________
जयन्तीप्रकरणवृत्तिः । गाथा ४|५|६
तो साविया सुभद्दा सुहारसेणेव सित्तसव्वंगा । सज्झायज्झाणपरा अइवाहइ रयणिसेसं पि ॥७२॥ अरुणोदयम्मि लोए सुत्तविरुद्धम्मि पोलिदाराई । अवि उग्घाडणजत्ते पिण्डियाइं चेव चिट्ठन्ति ॥७३॥ दारनिरोहे मोहे सम्बाहो होइ जीवलोगम्मि । उप्पा त्ति नरिन्दो पहाणलोएहि परियरिओ ||७४ || धूवकडुच्छुयहत्थो अल्लपडो गयणमण्डलाभिहो । कुसुमंजलिबलिक्खेवं काऊणं भणइ विणणं ॥७५॥ जो इत्थ कोइ देवो कुविओ केणावि कारणेणऽम्ह । सो काऊण पसायं अम्हाणं खमउ पणयाण ॥ ७६ ॥
एवं नरिन्दभणिए गयणे वाया समुच्छलइ इत्थ । नरवर ! महासईए करम्मि जइ चालिणी उदयं ॥७७॥
धारइ तेऽभिसे सीलवईए कयम्मि दाराई । चिक्कारकारयाई लीलाए उग्घडिस्सन्ति ॥ ७८ ॥
पइगेहं नयरीए सइपरिक्खं करेइ तो लोओ । नहु का वि तत्थ रमणी धरइ जलं चालणीखित्तं ॥ ७९ ॥ हल्लोहलो पयट्टइ तो गहकल्लोलसायरो लोए । मुहचन्दचन्दिमाए कज्जलकलुसत्तमुवणिन्तो ॥८०॥ वित्तन्तेणं तेणं सूरस्स निवस्स दुद्दिणेणेव । छाइज्जन्ति खणेणं तेयपयावा पसरिएणं ॥ ८१ ॥
एत्थन्तरे सुभद्दा दिणमणिमुत्ति व्व कंतिरुइरंगी । वियसियमुहारविन्दा महुरज्झणीभमरतरुणि व्व ॥८२॥ सासूहुत्तं जम्पइ सम्पइ काऊण जणणि ! सुपसायं । मंपि परिक्ख चालणिसंट्ठियसलिएण करकमले ॥८३॥
Jain Education International 2010_02
For Private & Personal Use Only
३१३
Сл
5
10
15
20
www.jainelibrary.org
