________________
३१२
10
जयन्तीप्रकरणवृत्तिः । गाथा ४।५।६ किं मज्झ जीविएणं ? रूवाइगुणेहिं संपयाए वा ? । जिणसासणप्पहावो जाव न सुद्धो महसहावो" ॥५९॥ इय भावियपरमत्था गीयत्था साविया सुभद्दा सा । ण्हाया कयबलिकम्मा विहिणा जिणरायकयपूया ॥६०।। जइ जिणसासणदेवी जिणिन्दधम्मस्स करेइ उज्जोयं । पारियकाउस्सग्गा तोऽहं भत्तं करेस्सामि ॥६१॥ अन्नह काउस्सग्गे धम्मज्झाणेण संट्ठिया चेव । परिचत्तभत्तपाणा हाइस्सं जाव जीविस्सं ॥६२॥ इय काऊण पइन्नं जिणपडिमापायअग्गओ होउं । काउस्सग्गेण ट्ठिया तल्लेसा धम्मज्झाणेण ॥६३॥ अह तीए सीलेणं, अक्खित्ता चलिरकुण्डलाभरणा । रयणीए जिणसासणदेवी सिग्धं हवइ पयडा ॥६४॥ भणइ य कीस सुभद्दे सुसाविए एसऽभिग्गहो गहिओ? । तुमए साहसरसिए साह सुभद्दे ! मह इयाणि ॥६५॥ पारियकाउस्सग्गा भणइ सुभद्दा वि महुरवाणीए । जिणवयणपहापसरो किज्जर सूरो व्व तिमिरहरो ॥६६॥ "सासणदेवी जम्पइ नयरीए सुयणु ! अज्ज चम्पाए । चिट्ठिस्सन्ति पहाए पिहियाई पोलिदाराई ॥६७॥ तो आउलम्मि लोए सनिवे गयणंगणम्मि उग्घोसो । होही महासईए चालणिघरिएण सलिलेण ॥६८॥ सित्ताई तिन्नि वारं एयाइं झति उग्घडिस्सन्ति । मुत्तुं तुमं तु नन्ना धारिस्सइ चालिणीसलिलं ॥६९॥ परमेट्ठिनमोक्कारं किच्चा सित्तेसु तेण सलिलेण । उग्घाडिएसु तुमए दारेसु पभावणा होई ॥७०।। साहम्मियवच्छल्ले समुज्जया सीलरंजिया एवं । सासणदेवी भणिउं जहागयं पडिगया झत्ति" ॥७१।।
15
20
25
Jain Education International 2010_02
For Private & Personal Use Only
www.jainelibrary.org
