________________
जयन्ती प्रकरणवृत्तिः । गाथा ४|५|६
सुगएण पुण पमाणं नाणं पच्चक्खमुत्तमवियप्पं । बज्जत्थकप्पणाए एयाए तं सि मूढप्पा ||४६ || जणणी आलावं घरिणीए पुण सीलधम्मवणदावं । संपप्प तयणुराओ मिलाइ कंकेल्लिसाय व्व ॥४७॥ चिन्तइ य बुद्धदासो असीलया होइ किं सुभद्दाए ? | जाय किं दुग्गंधी ? कयावि कप्पूरपारी वि ॥४८॥ ती गुणगिरिसिहरे वज्जनिवाउ व्व वइयरो एसो । तो किं अत्थ पक्खवाओ ? होज्जा जेणेह दिव्वई ॥४९॥
ही संसारसहावो दावो सुकडाण वियडविडवीणं । ते धन्न च्चिय जीवा भवन्नवं जे समुत्तिन्ना ॥५०॥ रक्तं पि मणो पइणो विलाइ जउगोलयं व जलणेण । इमिणा वुत्तन्तेणं दक्खा लक्खइ सुभद्दा वि ॥५१॥ "चिन्तइ पुव्वजम्मोवज्जियकम्मेण उदयपत्तेण । पाविति कलंकाई जीव सुद्धे वि सीलम्मि ॥५२॥ किन्तु इमं महदुक्खं जिणिदधम्मस्स जं ममाहिंतो होइ इह यहाणी खणी सव्वाण दोसाण ॥५३॥ हत्थी जिणिन्दधम्मो महिन्दुबिम्बं व इमो निम्मलकलावो । महादोसागमणेणं पयण्डकलंको इमो जाओ ॥५४॥ जिणवयणे आरामे वियसियजसपसरकुसुमसंभारो । एएणं परिज्झडिओ मज्झऽववायेण वाण ॥५५॥ ही दुल्लहबोहित्तं वियरइ जीवाण चत्तसंमत्तं । अइदुस्सहदुहसेन्नं विहियजिणवयणमालित्तं ॥५६॥ देवगुरुपूयणं पंचपरमेट्ठिमन्तज्झाणेणं । सिवसुहनिहिलिच्छाए धिद्धी विग्घो इमो जाओ ॥५७॥ एक्कं मज्झ कलंको, अन्नं जिणवयणतेयपरिहाणी । संसारसारफलए बेहू पडिया महं ही ही ॥५८॥
Jain Education International 2010_02
For Private & Personal Use Only
३११
5
10
15
20
25
www.jainelibrary.org
