________________
३०४
10
जयन्तीप्रकरणवृत्तिः । गाथा ४।५।६ कारीसग्गिपलिवियदेहो चाणक्कमन्तिवरसड्ढो । भावइ भावणमेसो अइसइसंवेगरसरसिओ ॥५०॥ "देहम्मि डज्झमाणे न हु दाहो होइ तुज्झ इह को वि । अन्नं इमं सरीरं जीवाओ जं न मुत्तो सो ॥५१।। सयमवि कयकडुयाणं फलोवभोगेण होइ निज्जरणं । एवं जिणवरयवयणं तं भावय जीव ! पुणरुत्तं ॥५२।। अच्छरियं पुरिए महहियए उदयायलम्मि जिणधम्मे । दिणमणिबिंबसगोत्ते गिहमोहो जीव तिमिरोहो ॥५३॥ धन्ना ते च्चिय जीवा बालकुमारा हवन्ति अणगारा । जे सुद्धबंभचेरा दुरुज्झियसव्वजियवेरा ॥५४॥ दोगच्चे घरिणीए पियरेहिं पराभवम्मि अत्थत्थी । नंदेण पराभूओ पराभवं ही अहमकासं ॥५५॥ एसो लोहप्पिसाओ भूएहिं कोहमाणमोहेहिं । जीवक्खयकारणेहिं सहिओ धन्नेहिं जेयव्वो ॥५६।। तेहिं पुणोऽहं गहिओ रहिओ करुणारसेण जीवाणं । खयहेउं चिय धिद्धी दुबुद्धी चेव संजाओ ।।५७।। सावयकुलम्मि जम्मे घम्मो जिणरायदेसिओ हियए । हा हारिओ मए कह विविहारंभप्पबन्धेहिं ? ॥५८॥ जिणधम्मे कप्पडुमचिन्तामणिकामधेणुसारिच्छे । लद्धे वि मए भवदुहदोगच्चनिमित्तमायरियं ॥५९॥ पंचमहव्वयभारं जे जीवा हुंति वोढुमसमत्था । सावयधम्मम्मि निरया अप्पारम्भा इमे धन्ना ॥६०॥ अज्ज वि न किंपि नटुं सम्मं सम्मत्तमूलगिहिधम्मं । अंगीकरेमि बारसविहं अहं विविहभेएहिं ॥६१।। अरहन्ता महसरणं अरहन्ता मज्झ देवया इण्हि । अरिहन्तकित्तणेणं चएमहं पावगं सव्वं ॥६२॥
____ 20
25
Jain Education International 2010_02
For Private & Personal Use Only
www.jainelibrary.org
