________________
३०२
जयन्तीप्रकरणवृत्तिः । गाथा ४।५।६ एयम्मि मन्तिमंडलचूडामणिकरणिमुव्वहन्तम्मि । पिसुणवयणेण केण वि परिभवकरणं न गुणहेऊ ॥२४॥ किं पडिकुलं देवं जायं ? तुह देव ! जेण चाणक्के । कप्पद्रुमम्मि वि तुमए खिविया कोवारुणा दिट्ठी ॥२५॥ ता वच्छ गच्छ सिग्धं खामसु चितामणिं व पूएसु । चाणक्कं मन्तिवरं वरयं सरइन्दुजसपसरं ॥२६॥ राया वि भणइ धाई मह तुमए साहियं जहा माया । उयरस्स फालणेणं निहया एएण सचिवेण ॥२७।। धाई वि भणइ नरवर ! तुह जणणी चन्दगुत्तनरनाहे । विसभोयणं करन्ते वारिज्जन्ती वि नेहेण ॥२८॥ गिण्हिय कवलं भुजइ तोऽणेणं मन्तिणा लहुं चेव । एईए कुच्छीए जीवो पुत्तो त्ति चिन्तेउं ॥२९॥ उयरम्मि वियारिऊणं गब्भाओ नीणिओ तुमं वच्छ । विसबिन्दूमसिवन्नो तुहुत्तमंगे तओ जाओ ॥३०॥ जइ न करिस्समयं तह तमजीविस्सं कहं ? महीनाह । तह राय बिन्दुसारो तुमं पसिद्धो अओ चेव ॥३१॥ इय धाईए कहिए तूरियं गन्तूण सायरं राया । पच्छायावपरद्धो खामइ बहुविहमिमं सचिवं ॥३२॥ "भणइ महत्तम ! न मए परमत्थो को वि जाणिओ एत्थ । तेण पियामहतुल्ले तुमम्मि कोवो कओ पुज्जे ॥३३।। कोवो मायंगो इव सव्वत्थ वि दूरओ विहेयव्वो । किं पुण गोत्तगरिढे दिउत्तमे होइ सन्निहिओ ? ॥३४॥ तुमए च्चिय रज्जसिरी पुरिसोत्तमचरिय सच्चयासहिय । विक्कममन्दरमहिए पयासिआ रिउसमुद्दम्मि ॥३५।। ता तुम्ह विणा एसा कहणु थिरा होइ ? पयइचवला वि । ता बुद्धिसिद्धिकुलहर ! पसीय चाणक्क एहि पुरं ।।३६।।
____ 15
25
Jain Education International 2010_02
For Private & Personal Use Only
www.jainelibrary.org
