________________
२९८
जयन्तीप्रकरणवृत्तिः । गाथा ४।५।६ जइ नाम देवलोए दिव्वसरीरेहिं अच्चरगणेहिं । सद्धिं भोगुवभोगे न हु तित्ती ता कहं एत्थ ? ॥१४६॥ तुच्छाणं विसयाणं कज्जेणं राय मणुयजम्मम्मि । हारेज्जइ सुकुलाइयदुल्लहरयणाण सामग्गी ॥१४७॥ जीए जिणधम्मेणं सम्मं आराहिएण सुगुणेण । मोक्खेण सरलयाए परलोओ सिज्झए निच्चं ॥१४८॥ पंचसु भवेसु नरवर ! तुज्झ वि पयडाइं ताई दुक्खाइं । जिणधम्मो च्चिय तेसिं तए वि किज्जउ निसेहत्थं ॥१४९।। सुरलोए वि महायस ! बहुविहईसाविसायमाईहिं । अणुविद्धं चिय सोक्खं दुस्सहं चवणे तहा दुक्खं ॥१५०॥ तम्हा अणन्तमव्वाबाहं सोक्खं सिवम्मि जं निच्चं । तस्स पसाहणसज्जं संजमरज्जं महाराय ! ॥१५१।। जं संजमरज्जेणं इहं पि पाविन्ति मुणिवरा सोक्खं । रागदोसवसट्टो कत्तो? तं चक्कवट्टी वि ॥१५२॥ सच्चं चिय जइ नेहो अम्हुवरि राय तुह मणे अत्थि । ता गिण्ह महसमीवे संजमरज्जं समग्गं पि ॥१५३॥ एवं खु दिज्जमाणं गिन्हिज्जन्तं समग्गमवि होइ । दुन्हं पि जेण जिप्पइ रिउवग्गो अन्तरंगो वि ॥१५४॥ जिणिएण तेण केवललच्छीए संगयाण सिद्धिए । अयरामरनयरीए अणन्तकालं हवइ रज्जं ॥१५५॥ इइ भणिए मुणिवइणा चक्की संलवइ बंभदत्तो वि । सुकएहिं उवणीयं चएमि रज्जं कहं एयं ? ॥१५६।। कह होइ सो सयन्नो ? महल्लपुन्नोदएण संपत्तं । जो चयइ चक्की रज्जं संदिद्धे सिद्धिसुहलाहे ॥१५७॥ पव्वज्जा वि मुणीसर सुदुक्करा जेण तत्थ सव्वत्थ । अप्पडिबद्धविहारो कीरइ उज्जुत्तचित्तेहिं ॥१५८।।
20
25
Jain Education International 2010_02
For Private & Personal Use Only
www.jainelibrary.org
