________________
२९७
10
जयन्तीप्रकरणवृत्तिः । गाथा ४।५।६
इइ भणिए मुणिवइणा चक्की पडिभणइ बन्धव ! इयाणि । कुणसु तुमं महतोसं रज्जसिरीसंविभागेण ॥१३३।। सा सलहिज्जइ लच्छी विबुहेहिं नीइमग्गकुसलेहिं । जा सद्धं उवभुज्जइ सिणिद्धबन्धूहि मित्तेहिं ॥१३४।। सुमरियपुव्वभव्वाणं अम्हाणं तुम्ह विरहदावग्गी । उवसन्तो जम्मन्तरबन्धवसंगमघणेणऽज्ज ॥१३५॥ पुव्वभवेसुं नेहो अहोनिसिं संगयाण वुड्डिगओ । जह तह वड्डर इहई लच्छीए संविभागेण ॥१३६।। काओ वि कुणइ सदं भुजं लहिऊण सयलबंधूण । ता कह तुह विरहेणं रज्जसिरी होउ मह भुज्जा ? ॥१३७॥ इइ जंपियम्मि रन्ना मुणिसीहो भणइ राय रज्जसिरी । भवदुहदन्दोलिसही दुग्गइपहगमणपगुणरही ॥१३८॥ रज्जसिरीलुद्धाणं मोहमहानरवरिंदसिन्नम्मि । पडियाण नाणदंसणचरित्तरयणाइं नासंति ॥१३९॥ चिन्तामणिसरिसेसुं नढेसुं तेसु होइ जीवाणं । भवदोगच्चं नरवर ! अणन्तदुहहेउयं सुइरं ॥१४०।। एसा हु रायलच्छी कुच्छी जलहिस्स जेण दुप्पूरा । अणवरई सम्पज्जइ महावयासंगमो वित्थ ॥१४१।। आरामम्मि व रज्जे हुन्ति महाराय जं महारम्भा । आमूलाओ तत्थ य फलोवलंभे हवइ च्छेओ ॥१४२॥ विसयाणुवभोगत्थं रज्जं पत्थिज्जए महीनाह ! । ते पुण माणुसजम्मे अमेज्झपरिमद्दणुप्पाया ॥१४३।। असुयम्मि समुब्भूए मणुयसरीरम्मि असुइरसपुढे । निच्चं अमेज्झकुढे विसहसुहं भन्नए किन्तु ? ॥१४४॥ आवायमित्तमहुरा विसयाऽसुहरं व विरसपरिणामा । किम्पाकफलप्पाया हुन्ति जियाणं दुहविवाहा ॥१४५॥
15
20
25
Jain Education International 2010_02
For Private & Personal Use Only
www.jainelibrary.org
