________________
२९६
____ 10
जयन्तीप्रकरणवृत्तिः । गाथा ४।५।६ तं निक्खन्तो सीहो सीहु च्चिय विहरिउ चिरं कालं । संसारसुहनिरीहो तुज्झ भवो होउ मा दीहो" ॥१२०॥ सुइरं पन्नविओ वि हु विचित्तभंगेण चित्तमुणिणेवं । भवियव्वयावसेणं न नियत्तो सो नियाणाओ ॥१२१॥ तो अम्ह पडिवज्जियपरिवलियउत्तमट्ठकप्पेण । मरिऊण देवलोए सुक्के देवा समुप्पन्ना ॥१२२॥ माणियदियलोयसुहो तओ चुओऽहं भवम्मि छम्मि । एक्कु च्चिय सम्पत्तो बन्धवविरहेण चक्किपयं ।।१२३।। पुव्वभवबन्धवो वि य मन्ने सो चेव आगओ साहू । जेणेस सिलोगो मे असंसयं पूरिओ झत्ति ॥१२४।। तो बाहिं गन्तूणं जम्मन्तरबन्धवं गुरुसिणेहं । पिच्छामि समिद्धीए निबन्धेणं निमन्तेमि ॥१२५।। सुणिऊणं रायवयणं एवं हरिसुल्लसन्तसव्वंगो । सव्वो वि जणो जाओ तुरियं मुणिदंसणुम्माहो ॥१२६।। हरिसेण अमायन्तो चक्की अंगम्मि पुलयपरियरिओ। बहिरुज्जाणे गच्छइ सव्विड्डीए तओ झत्ति ॥१२७।। मुणिदंसणम्मि सिरिबंभदत्तचक्किस्स होइ सन्तुट्ठी । चिरविरहतावहरणी संजाया नं अमयवुट्ठी ॥१२८।। नमिऊण पायकमलं मुणिस्स वियसन्तनयणमुहकमलो ! उवविठ्ठो चक्कहरो पुरओ सह सव्वलोएण ॥१२९।। पुच्छइ य मुणिं भयवं ! दियलोयाओ चुआ कहिं तुब्भे । नयरम्मि समुप्पन्ना ? कम्हि कुले रिद्धिथिमियम्मि ॥१३०॥ मुणिवइणा संलत्तं चविऊण सुक्कदेवलोगाओ। अहं समुप्पन्नो नयरे इब्भसुओ पुरिमतालम्मि ॥१३१।। मोहन्धयारदिणमणिगुरुसंगमबोहिलाभसरिसरुहे । पडिबुद्धे चरणसिरी पडिवन्ना सहरिसेणेसा ॥१३२॥
25
Jain Education International 2010_02
For Private & Personal Use Only
www.jainelibrary.org
