________________
२९४
जयन्तीप्रकरणवृत्तिः । गाथा ४।५।६ जइ एएण जणेणं अन्नाणेणं सरीरए तुज्झ । पीडा कया मुणीसर ! होउ अपीडो चरित्तप्पा ॥९४।। तम्मि अपीडे मुणिवर ! रयणापीडो जयम्मि तं होसि ।
देवाण वन्दणिज्जो किमंग पुण सेसलोयाणं ? ॥९५।। अन्नं च
कल्लाणमुत्तिरूवो तुमं सि तो कीस पावयपसंगे । ताविज्जतो वि दढं न हवसि ? तमदाहरूवधरो ॥९६।। एवं परिभाविज्जउ दुलहं चारित्तमित्थ संसारे । तं कोहग्गिपलित्तं खणमित्तेणं हवइ रित्तं" ॥९७।। इय अमियसारिणीए वाणीए चित्तसाहुणा सित्ते । कोवदवो हिययवणे संभूयमुणिस्स उवसन्तो ॥९८।। बहिरुज्जाणगयस्स तस्स य साहूस्स होइ संवेगो । जेणुत्तमट्ठकप्पं विहिणा पडिवज्जए झत्ति ॥९९॥ "भावइ य इमं एसो धिद्धी आहारकारणेणावि । वसिमम्मि वि(व)सन्ताणं अम्हाणं दुक्खदन्दोली ॥१००॥ धन्ना ते च्चिय सिद्धा जे असरीरा हवंति णाहारा । तम्हा छुहाविमुक्का तिलोयचूडामणीभूया" ॥१०१॥ इच्चाइभावणाहिं ससिकिरणालीहिं माणसे तस्स । सुहज्झाणं कुमुयवणं विहुयरयं वियसइ समग्गं ॥१०२॥ चक्की सणंकुमारो वइयरमेयं मुणित्तु निव्विसयं । कारइ नमुई सचिवं सहसा सव्वस्स हरणेण ॥१०३।। अन्तेउरपरियरिओ मुणिगुणमणिरासिभत्तिभरभरिओ। ताण पयवन्दणत्थं सयं तु नयराओ नीहरिओ ॥१०४।। पणमइ उज्जाणगओ ताण मुणिन्दाण पायपउमाई । चक्की सणंकुमारो चमक्किओ तवगुणगणेहिं ॥१०५।। "रोमञ्चञ्चियगत्तो थुणइ गुणे ताण वग्गुवग्गुहिं । तुम्ह खमासमणाणं इमा खमा जयउ चिरकालं ॥१०६।।
15
25
Jain Education International 2010_02
For Private & Personal Use Only
www.jainelibrary.org
