________________
२९३
10
जयन्तीप्रकरणवृत्तिः । गाथा ४।५।६
मत्तालम्बट्ठिएणं दिट्ठो सो नमुइमन्तिणा तयणु । चिन्तियमणेणं जइ मं जाणाविस्सइ जणं एसो ॥८१॥ तो होही पुरमज्झे महई उब्भावणा महाराओ । रोद्धा महावरोहे पाणाणं निग्गरं काही ॥८२॥ तम्हा नियपुरिसेहिं तज्जणताडणदुहेण नयरीओ। निस्सारिज्जउ सिग्धं तो सुहडा पेसिया झत्ति ॥८३॥ ते जट्ठिमुट्ठिलउडप्पहारविहुरं करिति मुणिसीहं । वारिज्जन्ता वि दिढं जणेण करुणाए भत्तीए ॥८४।। अह निम्महिए जह चन्दणम्मि सीए वि जायए अग्गी । तह सन्ते दन्ते वि हु तम्मि मुणिन्दे हवइ कोवो ॥८५।। तत्तो तेओलेसावसेण पसरन्ति धूमकुरुलीओ। तस्स मुहाओ कुडिला, कसिणा कीणासदिट्ठीओ ॥८६॥ तो आकम्पियहियओ जम्पइ लोओ मुर्णि महासत्तं । खामह अन्नहा होही नूणं पलयानलुल्लासो ॥८७।। एवं लोयपवायं सुच्चा चिन्तइ य चित्तमणिसींहो । संभूयमुणि मुत्तुं एसा लद्धी न अन्नस्स ॥८८|| तोऽहं तुरियं गंतुं कोवरिंग तस्स उवसमजलेण । सिंचामि जेण न दहइ तवोवणं मुक्खसुहफलयं ॥८९।। एवं विचिन्तिऊणं तुरियं गन्तूण तत्थ चित्तमुणी । संभासइ संभूयं पसरियधूमं हुयासं व ॥९०॥ "सुगुरूवएसजलहरजलधाराधोरणीहिं कोवरिंग । उल्हवसु सोम ! सिवफलसीलवणं दज्झए तेण ॥९१।। जइ वि तुमं परिभूओ निक्कारणमेव बाललोएण । तहवि तुमं संभूओ साहू सोमो अमयभूओ ॥९२।। दियराओ तं सोमो खलेण लोएण राहुकलुसेण । दूमिय मुक्को वि कहं सुहावहं वहसि नऽप्पाणं ? ॥९३॥
15
20
25
Jain Education International 2010_02
For Private & Personal Use Only
www.jainelibrary.org
