________________
२९२
10
जयन्तीप्रकरणवृत्तिः । गाथा ४।५।६ एवं हणिज्जमाणा नयरीए निस्सरित्तु परिभूया । मरणमभिनंदमाणा निविन्ना जीवियव्वाओ ॥६८।। आरोहन्ति गिरिन्दं पेच्छन्ती झाणसंठियमुणिन्दं । ते लहुयकम्मयाए भत्तीए तं नमंसन्ति ॥६९॥ पारियकाउस्सग्गो स मुणिन्दो नाणदंसणसमग्गो । परलोयसाहणेमं आणन्दइ धम्मलाभेणं ॥७०॥ महुरक्खरवाणीए तेणं मुणिन्देणं पुच्छिया अम्हे। के तुब्भे ? कहमिन्हि पत्ता ? अस्सि गिरिवरम्मि ॥७१॥ अम्हेहिं तप्पुरओ कहियं सव्वं अगोवयन्तेहिं । मूलाओ नियचरियं मरणज्झवसायपज्जन्तं ॥७२॥ तो सायरेण मुणिणा करुणारससायरेण उवइट्ठो । जिणधम्मो कप्पदुमो कप्पियफलसाहगो अम्ह ॥७३॥ तयण मणिदेसणाए दिणमणिकिरणावलीए अवसरिए । मोहतिमिरम्मि सिवपुरमग्गो पयडीहवइ अम्ह ॥७४॥ तो चिन्तियमम्हेहिं सिवपुरमग्गम्मि संचरन्ताणं । भवकन्तारदुहाणं दूरीकरणं हवइ कमसो ॥७५।। एवं संविग्गाणं सिवपुरमग्गम्मि अम्ह लग्गाणं । दिन्नं चरित्तजाणं जमिह निहाणं सिवसुहाणं ॥७६।। गहिया दुविहा सिक्खा जइधम्माराहणम्मि अइदक्खा । तो तेण महामुणिणा गीयत्ताणं पए ठविया ॥७७॥ निस्संगा विहरामो गामागरनगरपट्टणाईसु । झाणट्ठिया चिट्ठामो उज्जाणारामभूमीसु ॥७८॥ छठ्ठठुमदसमदुवालसाइपक्खाइमासतवच्चरणा | पविसामो जइ पारणदिणेसु नयराइमज्झमि ॥७९॥ विहरन्ता य कमेणं पत्ता गयउरपुरस्स बाहिम्मि । सम्भूयमुणी मज्झे पविसइ समुयाणवित्तीए ॥८०॥
25
Jain Education International 2010_02
For Private & Personal Use Only
www.jainelibrary.org
