________________
२९०
जयन्तीप्रकरणवृत्तिः । गाथा ४।५।६ वाणारसीनयरीए उदयं पत्तेण नीयगोत्तेण । चंडालदारगत्तं पत्ता रूवाइगुणजुत्ता ॥४२॥ अह तत्थ नमुइमन्ती निवग्गमहिसीगमणेण सकलंको । रन्ना निग्गहहेउं समप्पिओ अम्ह जणयस्स ॥४३।। पिउणा वि एस वुत्तो अभयं वियरेमि तुज्झ पाणाण । पच्छन्नं मह पुत्ता कलासु कुसला जइ करेसि तं ॥४४॥ जीवन्तो च्चिय जीवो भद्दसयाइं लहइ जियलोए। इइ चिन्तिऊण मन्ती पडिवज्जइ अम्ह पिउवयणं ॥४५॥ लेहाइया कलाओ तेणऽम्हे भूमिमन्दिरट्ठिएण । अचिरेण सिक्खविया पिउणा किज्जन्तसम्माणे ॥४६।। किन्तु सचिवो चलिन्दियनिन्दियचरिओ बहुं पिउवयरिओ।
मयरद्धयसरविद्धो मुद्धो गिद्धोऽम्ह जणणीए ॥४७॥ अहवा
वसइ जहिं चेव खलो पोसिज्जन्तो वि नेहदाणेण । तं चेव आलयं दीवउ व्व अचिरेण मइलेइ ॥४८॥ वत्तन्ते वुत्तन्ते विन्नाए कोहपरवसो जणओ। तव्वावायणचित्तो सम्म उवलक्खिओ तत्तो ॥४९॥ एसऽम्ह कलायरिओ कलाकलावो इओ य अवयरिओ। अम्हारिसेसु तम्हा पच्चुवयारो हवउ अस्सि ॥५०॥ इइ चिन्तिऊण छन्नं कहिऊणं तस्स तायमपसन्नं । निस्सारिओ य एसो गयउरनयरे गओ तुरियं ॥५१॥ तत्त य सो अल्लीणो सणंकुमारस्स चक्कवट्टिस्स । मन्तिपए संठविओ कलासु निउणे त्ति तेणावि ॥५२॥ लावन्नपुन्नदेहा हरिकेससुया वि चित्त-संभूया । तारुन्नं संपत्ता तरुणीमणनयणरमणीयं ॥५३।। अह मासम्मि वसन्ते सहयारवणम्मि मंजरिज्जन्ते । मलयानिलम्मि कुसुमियाविचित्तवणरायसोहिल्ले ॥५४॥
15
.
25
Jain Education International 2010_02
For Private & Personal Use Only
www.jainelibrary.org
