________________
२८९
जयन्तीप्रकरणवृत्तिः । गाथा ४।५।६
अह परियणं निवारइ राया आरामियम्मि पहरन्तं । एसो ममोवयारी बन्धवसंजोगकारी त्ति ॥२९॥ हक्कारिऊण सम्माणिऊण सक्कारिऊण आसन्ने । उवविट्ठो सो पुट्ठो रन्ना को एस वुत्तन्तो ? ॥३०॥ आरामिओ पयासइ सारयससिसोमसाहवत्तन्तं । वियसन्तकुवलयच्छो राया सरयस्सिरि पत्तो ॥३१॥ सालि व्व पणयसिरया सामन्तमन्तिपुरलोया । पुच्छन्ति महारायं सामिय को ? इत्थ परमत्थो ॥३२॥ सिरि बंभदत्तचक्की चित्तचमुक्कारयं तत्तो । जम्पइ महुरगिराए बन्धवविन्नाणहिट्ठमणो ॥३३॥ पुव्वभवबन्धुविरहो हुयासणो नेहविउणियपयावो। मुच्छावेसनिबन्धणमिह मह जाओ तहा तस्स ॥३४॥ आरामट्ठियमुणिणो पूरइ सो अन्नहा कह सिलोगं ? । तो अम्हं पुव्वभवे निसुणह तुम्हे कहिज्जन्ते ॥३५॥ अम्हे माहणजाया नियदासीए भवम्मि पढमम्मि । पुत्ता न खमा ठाउं नेहेणऽन्नन्नविरहेण ॥३६।। जोव्वणपत्ता पत्ता रयणीए छित्तरक्खणनिमित्तं । एक्को डक्को अहिणा बीउ वि य तं गवेसन्तो ॥३७॥ कालिज्जरे गिरिन्दे हरिणीए गब्भसंभवा अम्हे । अन्नोन्नपेमपरवसहियया हरिणा भवे बीए ॥३८॥ अइनेहपडिबद्धा तारुन्ने जमलचारिणो दो वि । वाहेणेगसरेणं समगं चिय पाविया मरणं ॥३९॥ अट्टज्झाणपरायणहियया मरिऊण दो वि समकालं । एगाए हंसीए हंसा जाया नईकूले ॥४०॥ तत्थ वि पेमाणुगया सुसंगया एगया दुरंतेण । पारद्धिएण पासप्पओगओ पाविया निहणं ॥४१॥
Jain Education International 2010_02
For Private & Personal Use Only
www.jainelibrary.org
