________________
२८८
10
जयन्तीप्रकरणवृत्तिः । गाथा ४।५।६ सीओवयारमुच्छावहारसच्छं करेइ मुणिरायं । आरामिओऽरहट्टं मुत्तूण सिग्घमागम्म ॥१७॥ पुच्छइ य कीस भयवं? एसा मुच्छा समागया तुम्ह ? | तयहुत्तं भणइ मुणी मणमोहावेसओ भद्द ! ॥१८॥ तुमए संगीयाओ अद्धसिलोगाओ एस मह जाओ ।
अह पुण पढसु महायस ! तमुत्तरद्धं सिलोगस्स ॥१९॥ तद्यथा
एषा नौ षष्टिका जातिरन्योन्याभ्यां वियुक्तयोः ॥ एयं तु उत्तरद्धं सम्मं सो सिक्खिऊण तुरमाणो । गच्छइ रायस्सन्ते पडिहारपवेसिओ सन्तो ॥२०॥ पयपणयोऽणुन्नाओ निवपुरओ सावहाणअत्थाणे । रज्जद्धकंखिरो सो पढइ सिलोगं समग्गं पि ॥२१॥ सम्पुन्नसिलोगेणं सयलकलामण्डलो वि दिप्पन्तो । तक्खणमागसेण व राया विगलज्जुई जाओ ॥२२॥ सिंहासणाओ धरणीयलम्मि मीलंतलोयणो सहसा । गच्छइ मुच्छावसओ हहा किमेयं ति ? जणरोले ॥२३॥ हिमजलधाराहारावलीहिं चंदणरसाभिसेएण । कयलीदलाइपवणप्पओगओ होइ सच्छमणो ॥२४॥ आरामिओ वि हम्मइ जणेण हा दुट्ठ ? किं ? तए पढियं । जस्स वसेणं राया मुच्छाविहलंघलो जाओ ॥२५॥ सो भणइ हम्ममाणो एस सिलोगो मुणिन्दवयणेण । संपुन्नो निवपुरओ पढिओ संतोसहेउ त्ति ॥२६॥ अह मह दुकम्मवसओ ससओ इव लउडजट्ठिमुट्ठीहिं । अस्सि जणे वणे इव निद्दोसो वि हणिज्जामि ॥२७॥ मुणिभत्तीकप्पलया मज्झ सिलोगद्धलाहपसवेण । दुकम्मपरिणईए कडुयफला चेव संजाया ॥२८॥
15
20
25
Jain Education International 2010_02
For Private & Personal Use Only
www.jainelibrary.org
