________________
२८७
10
जयन्तीप्रकरणवृत्तिः । गाथा ४।५।६
मोहणसुहापवाहे इत्थीरयणम्मि देवयसणाहे । खीरोयरम्मि अगाहे अवगाहे जइ सुहं होइ ॥४॥ एवं साहीणभोगे रइप्पसंगम्मि सहसमुहपसरे । नरयाब्भासेऽविरया हवन्ति जीवा किमच्छरियं ? ।।५।। विसयसुहजलहिमझे हरि व्व हिययत्थचक्कवट्टिसिरी । चिट्ठइ बहुयं कालं घत्थो रइमोहनिदाए ॥६॥ माणवगनिहिदेवो तप्पुरओ नाडयम्मि अन्नदिणे । उच्छालइ बहुरूवं कुसुमाणं कन्दुयमपुव्वं ।।७।। अह तम्मि विविहरूवे सुयन्धे कुसुमाण कन्दुए दिढे । चिन्तइ चक्की एवं कहि ? मए दिट्ठपुव्वं ति ॥८॥ कम्मखओवसमवसा तओ समुप्पन्नजाइसरणो सो । पेच्छइ पुव्वभवोहं गच्छइ धरणिं गओ मुच्छं ॥९॥ विविहप्पयारसिओवयारमाहप्पलद्धचेयन्नो।। सिंहासणे निसन्नो विन्नत्तो पवरलोएणं ॥१०॥ किं वायपित्तसंखोहहेउओ ? अहव अन्नकारणओ? । एसो मुच्छापवेसो सामि ! अकम्हा कहं जाओ ? ॥११॥ पुव्वभव्वज्जियकम्माणुभावओ एस को वि परिणामो । इइ जंपिऊण राया पढइ सिलोगस्स पुव्वद्धं ॥१२॥ "आस्व दासौ मृगौ हंसौ मातंगावमरौ तथा" ॥ घोसावियं च रन्ना पूरइ जो उत्तरं सिलोगद्धं । दाहिस्सं ससिणेहं रज्जद्धमसंसयं तस्स ॥१३।। सोऊणेवं लोओ अहोनिसं पढइ तं सिलोगद्धं । परमत्थमयाणंतो कोउहलमित्तगयचित्तो ॥१४॥ अह बहुदिणपज्जन्ते आरामे आरहट्ठिएणेवं । गिज्जन्तं पुणरुत्तं मुणिणा सुणियं सिलोगद्धं ॥१५॥ तो ईहापोहेणं मुणीसीहो मुणइ जाइसरणेणं । पुव्वभवे मुच्छाए गच्छइ धरणीयले तयणु ॥१६।।
15
25
Jain Education International 2010_02
For Private & Personal Use Only
www.jainelibrary.org
