________________
२७८
10
जयन्तीप्रकरणवृत्तिः । गाथा ४।५।६ अवरम्मि दिणे पुट्ठो जक्खो अवरेहिं निद्धजक्खेहिं । पइदिवसं कीस तुमं न दीससे ? पेमपरओ वि ॥७४।। तेणोत्तं अम्हवणे मुणिवसहो खन्तिभारधुरधवलो । अपमत्तो ज्झाणट्ठिओ णुत्तरगइगमणो अस्थि ॥७५।। तस्साराहणनिरओ गुणमणिरोहणगिरिस्स पायाण । आसन्नम्मि निसन्नो निच्चं चिट्ठामि हिट्ठमणो ॥७६।। इय भणिए ते जक्खा आगन्तणं थुणंति मुणिरायं । जंगमतित्थं दुलहं पावमलक्खालणं जम्हा ॥७७॥ अम्हवणे वि मुणिन्दा संति त्ति सुरेहिं जंपिए जक्खो । तेहिं समं जा गच्छइ ता पेच्छइ ते विग्गहसत्ते ।।७८॥ तो तेसिं सव्वेसि हरिकेसबलम्मि मुणिवरे भत्ती । अयला अइसयगरुया सुरगिरिचूल व्व संजाया ॥७९|| अह पुन्नमासखवणो सो समणो जन्नवाडए जाइ । रुद्दपुरोहियसक्के भिक्खट्ठा पारणदिणम्मि ॥८०॥ बडुएहिं अवन्नाए असमज्जसजम्पिरेहिं अवरद्धो । जक्खेण अहिट्ठिज्झइ तयणु विवाये जिया बडुया ॥८१॥ हन्तुमणा जखेणं निवाडिया झत्ति धरणिपेढम्म । रुहिरुग्गारमुहा ते निमीलियच्छा वि चेयन्ना ॥८२॥ तो कलयले पयट्टे अहो किमेयं त्ति ? मिलियदियलोए । भद्दा वि जन्नपत्ती तरलच्छी एइ जा तत्थ ।।८३॥ दर्दू मुणिमहपं जम्पइ माहणजणाण सा पुरओ । चवलेहिं बडुएहि एसो खलियारिओ किमिह ? ॥८४॥ किं न मुणह ! देवेहिं वन्दिज्जइ भत्तिनिव्भरमणेहिं । एसो दुक्करतवभरसमुवज्जियदिव्वमाहप्पो ।।८५।। ता जइ जीविउमिच्छह तुब्भे भो माहणा इमं साहुं । पणमह पूयह जेण जियंति चट्टा लहुं एए ||८६।।
15
20
25
Jain Education International 2010_02
For Private & Personal Use Only
www.jainelibrary.org
