________________
२६८
10
जयन्तीप्रकरणवृत्तिः । गाथा ४।५।६ सो जम्पइ हम्मन्तो कव्वं काउं न चेव जाणामि । लोयस्स कलिकरण्डो सो समणेण मे दिन्नो ॥६४॥ राया वि विगयमुच्छो लोयं विणिवारिऊण निहणन्तं । पुच्छइ महुरगिराए कहिं सुयं भो सिलोगद्धं ? ॥६५।। मह आरामे मुणिणा सद्धसिलोगम्मि गीयमाणम्मि । सुणिऊण मुणिवइणा भणियं एयं सिलोयद्धं ॥६६॥ तो निच्छियं निवेणं एसो सो मुणिवरो न सन्देहो । किन्तु मह नासि सोक्खं पुव्वभवेसुं समिद्धी वा ॥६७॥ इह पुण रज्जसुहाई लद्धाइं कहवि पुन्नजोएण । कुविए तम्मि मुणिन्दे मरणे दूरीभविस्सन्ति ॥६८॥ तम्हा सयं परेहि वि खामेयव्वो मुणी महासत्तो । जे नन्दभवारद्धो बडूयभवं जाव अवरद्धो ॥६९|| जे तवसंजमनिरया सन्ता दन्ता जिइन्दिया मुणिणो । ते चन्दणं व अग्गि मुयंति बहुडा घसिज्झन्ता ॥७०॥ अन्नाणन्धेण मए जो वन्दणपूयणाइ अरिहन्तो । सो नन्दभवे हु वयणदोसवसा तज्जिओ सुइरं ॥७१॥ तं दोसविसं सम्पइ रायत्ते अमियरसरुइत्तेण । सम्मं हरामि सिग्घं जेण सया निव्वुई होइ ॥७२॥ तत्तो एस नरिन्दो बहुहा परिचिन्तिऊण परमत्थं । पट्ठवइ खामणत्थं पहाणपुरिसे मुणिस्सन्ते ॥७३॥ "तेवि गया तत्थ मुणिं थुगंति महुराहिं वग्गुवग्गूहि । गुणरयणाणं रोहणखमाहरो होसि तं चेव ॥७४॥ अन्नेण किं ? सहिज्जइ लोहग्घत्थाण टंकपडिघाओ । लोयाणं तह दिज्जइ सग्गुणरयणाणि किं दाणं? ॥७५॥ पुव्वभवदुक्कडाणं खमावणत्थं मुणिन्द किं राया । पणयजणवच्छलाणं तुम्हाणं अंतिए एउ ? ॥७६।।
20
25
Jain Education International 2010_02
For Private & Personal Use Only
www.jainelibrary.org
