________________
२६९
जयन्तीप्रकरणवृत्तिः । गाथा ४।५।६
तुम्हारिसाण मुणिवर ! जंगमतित्थाण संगमवसेण । लोयाण पावसुद्धी होइ धुवा इट्ठफलसिद्धी ।।७७॥ तो दिज्जउ आएसो करुणारसखीरसायरमुणिन्द ! । सुपसायसुहाधवलियदिट्ठीहिं इह निवागमणे" ॥७॥ इय तेसिं विन्नत्तिं मुणिऊणं मुणिवरेण महुराए । वाणीए संलत्तं अमियरसेणेव संसित्तं ॥७९॥ "तवसंजमवणदावो कोवोपायो मुणीण हेयव्वो । किं पुण भत्तिपरेसुं नरिन्दमाइसु कायव्वो ? ॥८०॥ दोसोवरमे चित्तं राया अम्हारिसम्मि तवतवणे । जं रुइरमणीयत्तं धरेइ तारयसिरिदिन्तो ॥८१॥ तवतवणतावियाणं लोयाणं देइ निव्वुइं राया। उदयारम्भाउ च्चिय दिट्ठो वियरइ महाणन्दं" ||८२॥ राया वि जइ सयं चिय जणे वियासेइ साहुकमलाई । तो हवइ महच्छरियं सव्वासामोयसंपत्ती ॥८३।। इय नाउं सपसायं अकसायं मुणिवरं महाराओ । अन्तेउरपरियरिओ एइ महानन्दभरभरिओ ॥८४॥ आरामे मुणिदंसणसुहाभिसेएण बहलपुरिलंगो । तिपयाहिणीं करेउं वन्दइ परमाए भत्तीए ॥८५। "थुणइ य भयवं ! भवभयहरण तुमं जयसि सुद्धतवचरण । करणतुरंगदमणे अस्संदमसमसिरिनिवास ! ॥८६।। खमसु तुम मुणिपुंगव ! नन्दभवे मोहमोहियमणेण । जं ताविओ मए तं लोहपिसायछलत्तेण ॥८७॥ लोहमयस्स वि पहु तुह तेएणं कुज्जोणिमूसासु । तवचरणरसावेसा जाया कल्लाणमुत्तसिरी ॥८८॥
20
Jain Education International 2010_02
For Private & Personal Use Only
www.jainelibrary.org
