________________
२६७
10
जयन्तीप्रकरणवृत्तिः । गाथा ४।५।६
रन्ना वि अन्नदिवसे सुहासणत्थेण रायमग्गम्मि । दिढे मुणिम्मि जाइस्सरणे नाएसु मरणेसु ॥५३॥ मुच्छानिमिलियच्छो सहसा कुट्टिमतलम्मि ढलियंगो । सिसिरोवयारवसओ राया सत्थो भणइ लोयं ॥५४॥ "गंगाए नाविओ नन्दो सभाए घरकोइलो । हंसो मयंगतीराए सीहो अंजणपव्वए ॥१॥ वाणारसीए बडुओ राया एत्थेव आगओ" । एयं सद्धसिलोयं जो पूरइ तस्स देमि रज्जद्धं । एवं वुत्ते रन्ना तं लोओ पढिउमारद्धो ॥५५॥ तियचउक्कचच्चरेसुं रायपहारामवणनिउंजेसु । न य पूरिज्जइ केण वि एवं कालम्मि वच्चन्ते ॥५६।। सो धम्मरुई साहू कमेण देसन्तरेसु विहरन्तो । एइ पुरीए बाहिं आरामे सो उ तरुमूले ॥५७|| अरहट्टवाहएणं सड्डसिलोयं सुणेइ गिज्जंतं । पुच्छइ मुणी वि तत्तो न अग्गिमं पढसि कीस? तुमं ।।५८॥ तेणोत्तं मुणिपुंगव ! अहं न याणामि अग्गिमं किं तं ? | मुणिपुंगवेण भणियं सुणसु तुमं भद्द ! पायजुयं ॥५९॥ "एएसिं घायगो जाओ सो एत्थेव समागओ" गहिऊण सिलोगढ़ पूरियं मुणिणा इमो हिट्ठो । तुट्ठो तओ जाई रायस्सऽत्थाणमण्डवे ॥६०॥ पढियं च रायपुरओ सहसा सज्झसपरव्वसो राया । पुव्वभवमरणदुक्खं सरिउं मुच्छाए धरणिगओ ॥६१॥ कयलिदलकमलहिमजलधाराहारेहिं चन्दणरसेण । वड्डन्ते उवयारे निवस्स सा हम्मइ जणेण ॥६२॥ हा दुट्ठ धिट्ठ लोलुय तुह भणियाणंतरं महाराओ । जाओ एयावत्थो इय पुणरुत्तं भणन्तेण ॥६३॥
15
20
25
Jain Education International 2010_02
For Private & Personal Use Only
www.jainelibrary.org
