________________
२६५
10
जयन्तीप्रकरणवृत्तिः ।गाथा ४५६
एवं पसन्नचित्तो बीए कोणम्मि जाइ सो साहू । तत्थ वि दोसाविट्ठो गंतु सो कयवरं मुयइ ॥२७॥ गच्छइ तइए कोणे तत्थ वि गन्तूण दोसदोसेण । कयवरनियरं उवरिं पुणो पुणो खिवइ साहूस्स ॥२८।। जाव चउत्थे कोणे गमणे वि घरोलओ कुणइ एवं । तो तेउलेसाए दड्डो नन्द व्व सो मुणिणा ।।२९।। मयगंगाए जाओ हंसो सो रमइ माहमासम्मि । उत्तिन्नो सो वि मुणी इरियावहियं पडिक्कमइ ॥३०॥ भरिऊणं पिच्छाइं सीयलसलिलेण सिञ्चइ मुणिन्दं । वारं वारं हंसो पुव्वभवब्भत्थखारेण ॥३१॥ तो तेण साहूणा सो एसो विय नन्दमंगुलो को वि । इय कलिऊणं दड्ढो तेउसेसं मुयन्तेण ॥३२॥ पुव्वभवज्जियवेराणुबन्धदोसेण तेउलेसाए । अंजणगिरिम्म सीहो सो मरिऊण उप्पन्नो ॥३३॥ धम्मरुई वि मुणी पुण घोरतवच्चरणकम्मनिज्जरणो । निज्जरवन्दियचरणो अक्खलियसिवमग्गसंचरणो ॥३४॥ विहरन्तो सत्थेणं सद्धि अंजणगिरिस्स सविहम्मि । दिट्ठो सीहेणेसो सहसा दुक्कम्मरुटेण ॥३५॥ उद्भूय केसरभरो सो वि य मुणिघायविहियपयचारो । सिज्जियतलप्पहारो सीहो गुंजियरवुग्गगारो ॥३६॥ . मं चेव हन्तुकामो सेसं लोयं विहाय जमसेसं । मुणिणा निरक्खिओ तो परिक्खिओ नन्दसरिसो त्ति ॥३७॥ सो सुमरियतद्दोसो मुणी महप्पावि पज्जलियरोसो । उल्लसियतेओलेसो सीहं सहसा दहइ एसो ॥३८॥ अवरावरमरणेहिं अकामनिट्ठवियदुट्ठकम्मभरो । वाणारसीए नयरीए सीहो माहणसुओ जाओ ॥३९॥
25
Jain Education International 2010_02
For Private & Personal Use Only
www.jainelibrary.org
