________________
२६४
जयन्तीप्रकरणवृत्तिः । गाथा ४।५।६ सिवपुरपहपत्थाणे दुवयणकंट्टेहि पडिपयं विद्धो । धम्मरुई अणगारो उवसमसारो वि सो कुद्धो ॥१४॥ चिन्तइ दुम्मइवल्लीकन्दो एसो खु नाविओ नन्दो । जो परमकिन्हलेसो धम्मुवएसो कहं तमि ? ॥१५॥ अस्सत्थो वि अबोही निक्करुणो कडुयकन्दलपरोहो । एसो रुक्खारामो दुव्वाउल्लासिकोवदवो ॥१६॥ छणियं घयमवि कडुयं विरसं दुद्धं पि होइ अइतत्तं । उग्गिरइ कालकूडं अइसयनिम्मत्थिओ जलही ॥१७॥ जह तह एसो साहू नावियनन्देण ताविओ बहुहा । दोसुल्लासदुरंतं तेओलेसं मुयइ तस्स ॥१८॥ तीए सो डज्झन्तो अट्टज्झाणेण पत्तपञ्चत्तो । गामे देसकुडीए जाओ घरकोइलो सन्नी ॥१९॥ धम्मरुई वि मुणिन्दो उवसमजलएण समियकोवदवो । संवेगसमावन्नो पच्छायावेण संपन्नो ॥२०॥ आलोइय पडिक्कन्तो सन्तो दन्तो जिइन्दिओ धीरो । विहिणा विहारनिरओ पुहवीए जंगमं तित्थं ॥२१॥ भवियव्वयावसेणं विहरन्तो एइ तम्मि गामम्मि । जत्थ सहाए नावियनन्दो घरकोइलो जाओ ॥२२॥ भिक्खायरियं काउं देसकुडीए समागओ जाव । गमणागमणालोयणपुरस्सरं कुणइ सज्झायं ॥२३॥ किरियाकलावपुव्वं जावाऽऽसइ भोयणत्थमेस मुणी । दिट्ठो गिरोलिएणं ताव तहिं नन्दजीवेणं ॥२४॥ पुव्वभवऽब्भासेणं दोसेणं खिवइ कयवरं उवरिं । तस्स मुणिन्दस्स तओ निरक्खिओ तेण सो तत्थ ॥२५॥ चिंतियमणेण मुणिणा एयस्स निवासट्ठाणमेयं ति । नो कप्पइ अचियत्तोग्गहम्मि काउं अवट्ठाणं ॥२६।।
15
20
25
Jain Education International 2010_02
For Private & Personal Use Only
www.jainelibrary.org
