________________
२५४
10
जयन्तीप्रकरणवृत्तिः । गाथा ४।५।६ तिहुयणवन्दियचलणो मोहमहीनाहमाणनिद्दलणो । तं होसि विगयराओ वन्निज्जसि जेण मुणिराओ ॥६३।। रन्ना पसंसिऊणं नमंसिऊणं मुणी महासत्तो । विन्नत्तो गुणसायर पसीय मुत्तोवलंभेण ॥६४।। कविलमुणी वि विहारं बाहिं तत्तो करेइ अपमत्तो । धम्मज्झाणकमेणं सुक्कज्झाणं समुल्लीणो ॥६५॥ घणघायकम्ममुक्को केवलनाणेण पासइ अरन्ने । पंचसए चोराणं पुव्वभवऽब्भत्थचरणाणं ॥६६।। बोहिकए करुणाए तेसिं तहिं जाइ एस मुणिसींहो । निस्संगं तं दटुं चोरा एवं भणन्तेए ॥६७॥ तेणेहितो निक्किञ्चणस्स मह नत्थि किंचि वि भयं ति । आगच्छइ एस मुणी तो एयं नच्चइस्सामो ॥६८।। एवं विणिच्छिऊणं कविलमुणिन्दं भणन्ति तो तेणा। भट्टारय ! तं नच्चसु जइ जाणसि नच्चिउं सम्मं ॥६९।। तेणुत्तं तो वायह तालीओ तरलकरलया तुम्हे । जेणाहं नच्चन्तो तुम्हाण करेमि सन्तोसं ॥७०॥ तो मंडलबन्धेणं समकालं दिन्ति ते जह ताला ।
तह नच्चइ गायन्तो कविलो धुवगीइयं महुरं ॥७१।। तद्यथा
"अधुवे असासयम्मि संसारम्मि दुक्खपउराए । किं नाम हुज्ज तं कम्मयं जेणाहं दुग्गइं न गच्छामि ॥७१॥ तेसिं अक्खेवत्थं तारुन्नं तह य पुन्नलायन्नं । तरुणीणं सिंगारं कविलो वन्नइ अलंकारं ॥७२॥ अखित्तसुणन्ताणं ताणं विक्खेवणत्थमइबहुयं । असुयम्मि समुब्भूए निन्दइ माणुस्सए भोए" ॥७३॥ अन्नाणतिमिरहरणे रविप्पहाकरणिकविलमुणिवयणे । तम्माणसम्मि वियसइ विवेयकमलायरो झत्ति ॥७४॥
15
20
25
Jain Education International 2010_02
For Private & Personal Use Only
www.jainelibrary.org
