________________
२५३
जयन्तीप्रकरणवृत्तिः । गाथा ४।५।६
पुव्वभवनाणदंसणचरित्तरयणतओवलंभेण । मोहंधयारनिरसेण सिवपुरवरमग्गमोइन्नो ॥४९।।
.................||५०॥ लोयं काऊण देवयादिन्नं . गहिऊण समणलिंगं कविलमुणी एइ अत्थाणं ॥५१।। वड्ढाहि तुमं नरवर सुधम्मलाभेण तेण इय भणिए । विम्हइमणो राया पुच्छइ किं चिन्तियं एयं ? ॥५२।। आमूलाओ सव्वं कहेइ कविलो विचिन्तियं सरलो । राया वि भणइ हिट्ठो कोडिं अहियं पि ते देमि ॥५३॥ "कविलमुणिन्दो जम्पइ जाइस्सरणेण नायपरमत्थो । पडिवन्नमुक्खमग्गो भवकारागारउव्विग्गो ॥५४॥ कोडिगुणेणऽत्थेणं दूरं निम्मुक्कसरलएण धुवं । परलोयस्सुवघाओ निव्वत्तिज्जइ महाराय ? ॥५५।। जीवाणं रक्खाए धम्मो परलोयसाहणं होइ ।। अत्थे गांगेए पुण जीवविघाओ जाण सिद्धो ॥५६॥
अत्थगहणे अगाहे मोहावत्तम्मि सायरे राय ! । _पडिकूलचारिणीओ सव्वाओ आवया इन्ति ॥५७।। राय भोगोवभोगगिद्धाण चेव मूढाण । लच्छीपरिग्गहिच्छा होइ अतुच्छा मणुस्साणं ॥५८॥ जे पुण अवगयतत्ता विसयविरत्ता सिवम्मि आसत्ता । ते तवसंजमसमदमसिरिसंगमसुखदुल्ललिया" ॥५९॥ इयकविलदेसणामयरसेण सित्तेसु भवखित्तेसु । पुलयच्छलेण धन्नाण हुंति पुन्नंकुरा सहसा ॥६०॥ राया जंपइ दियवर मन्तो तुह एस दिव्वमाहप्पो । वढेतो जेण बहुलोहपिसाओ लहूजाओ ॥६१॥ पव्वज्जापडिवज्जणवज्जपहारेण मुणिमहिन्देण । तुमए सिद्धिपुरीए दारे लोहग्गला भग्गा ॥६२।।
अन्न
Jain Education International 2010_02
For Private & Personal Use Only
www.jainelibrary.org
