________________
२४५
10
जयन्तीप्रकरणवृत्तिः । गाथा ४।५।६
इह पुण दुक्खमिणं चिय जं मह दुक्कम्मसम्पओगेण । जाया जिणिन्दधम्मे खिसा अन्नाणलोगम्मि ॥१९०।। "जिणसासणखिसाए भमन्ति संसारसायरे घोरे । जीवा लहन्ति न पुणो कहवि जं बोहिबोहित्थं" ॥१९१॥ सुगहियनामधेया ते जे कम्मक्खएण सिद्धिपुरि। पत्ता जं जीवाणं न कारणं कम्मबन्धस्स" ॥१९२॥ इच्चाइभावणाए वणराईए अपुव्वकरणेणं । कुसुमुज्जलेण तीए दूरगओ परिमलुग्गारो ॥१९३॥ तो सा खवगस्सेणीगंगावेणीए घायकम्ममलं । पक्खालिऊण पावइ महासई केवलन्नाणं ॥१९४॥ उप्पन्नम्मि अणन्ते केवलनाणे समागया देवा । वायन्ति दुन्दुहीओ वासन्ति य कुसुमभरवासं ॥१९५॥ चेलुक्खेवं गयणे करिन्ति आसीसमुहलमुहकमला ।
सव्वंगसुन्दरीए थुणन्ति रहसेण गुणनिवहं ॥१९६॥ तहाहि
"भयवइ तुमए निहओ खरतरवारिसुदिढघाएण । मोहो महानरिन्दो दुज्जोहो सुरवईणं पि ॥१९७।। तुह पंचिंदियदंती अहो अहो सुक्कज्जाणसंकन्ती । तह भगवई गुणवन्ती मुत्ताहलमालसमकन्ती ॥१९८॥ दुज्जणमुहधणुनिग्गयदुव्वयणबाणेहिं दुस्सहतरेहिं । वज्जमयं व्व न भिन्नं भगवइ ! तुज्झ खमाकवयं ॥१९९।। सिवपुरपहम्मि तुह पयचारो अइकढिणचारुचरणाए । तह जाओ जह भंजिओ जणदुवयणकट्ठउक्केरो ॥२००॥ अहुणा धम्मकहाए केवलनाणक्कमंडलपहाए । अम्हाणं करुणाए सिवपुरमग्गं पयासेहि" ॥२०१॥ केवलमहिमं काउं भत्तीए देवदाणवगणेहिं । किच्चा गुणसंथवणं इय भणिए सुद्धसद्धाए ॥२०२॥
15
25
___Jain Education International 2010_02
For Private & Personal Use Only
www.jainelibrary.org
