________________
२४२
10
जयन्तीप्रकरणवृत्तिः । गाथा ४।५।६ चीवन्दणाइसुत्तं पढन्ति अहियंति उभयसंझं पि । नाउं पिएहि भणियं मा वच्चह तीए पासम्मि ॥१५१॥ नो सुंदरि त्ति अज्जा तेर्सि अवहीरिऊण तं वयणं । जम्मन्तरनेहेण य अणुराएणं च धम्मस्स ॥१५२॥ वच्चन्ति अणुदिणं पि य अन्नदिणे ताहि मयहरी भणिया । सव्वंगसुन्दरी जइ एइ गिहं होइ पैडिवाडी ॥१५३॥ तुम्हं अवरोहेणं एहि सव्वंगसुन्दरी गेहे । दाऊणं परिवाडि सिग्गं वसहीए आयाही ॥१५४।। तत्तो पवित्तिणीए वयणेणं जाइ ताण गेहम्मि । पइदियहं परिवाडि देइ य तासि सिणेहेण ॥१५५॥ अह चित्तसालियाए अन्नदिणे जाव दाउं परिवाडि । सा अज्जा वच्चिस्सइ कन्तिमईए तओ वुत्ता ॥१५६।। वच्चह भत्तं घित्तुं उववासेण जओ ट्ठिया कल्ले । तो निबन्धं नाउं अप्पबीया अज्जा तओ भणिया ॥१५७।। गिण्हाहि तुमं किंचि वि ठाइस्समहं तु चित्तसालीए । सव्वंगसुन्दरीए इय भणिया जाइ सा अज्जा ॥१५८।। जावच्छइ सा तत्थ य हत्थं रखिज्जसु त्ति वयणेण । पुव्वभवे जं कम्मं समज्जियं तमुइयं सहसा ॥१५९॥ तो ताण पीइविहडणकोउहलिएण वन्तरसुरेणं । चित्ताओ उयरन्तो तीए उवदंसिओ मोरो ॥१६०॥ तेण य ओयन्नेणं गिलिओ पडलीए संठिओ हारो । भित्तीए चित्तगओ वि पुणो वि देवाणुभावेण ॥१६१।। तो चिन्तइ विम्हइया वयणी सव्वंगसुन्दरी एवं ।
न य दिटुं नेव सुयं एवं अच्चब्भुयं चरियं ॥१६२॥ अहवा
बुड्डुइ पत्तं पि जले तरइ सिला हुयवहो जले जलइ । तं नत्थि संविहाणं संसारे जन्न संभवइ ॥१६३॥
15
20
-
25
थाना ।
१. सत्रा Jain Education International 201021
For Private & Personal Use Only
www.jainelibrary.org
