________________
२४०
10
जयन्तीप्रकरणवृत्तिः । गाथा ४।५।६ तीए भणियं पुच्छह मम कम्माइं अहं न याणामि । नियभत्तुणो अवन्ना का वि कया सो गओ मुत्तुं ॥१२५।। जणणीए ताहि सिटुं पत्ता माया वि दुम्मणा तत्थ । संबोहइ नियदुहियं मा सोयसु किंपि वच्छि ! तुमं ॥१२६॥ अवराहराहुगहणे अविज्जमाणे वि तुज्झ मुहचंदं । गच्छइ अपिच्छिऊणं नयणसुहासायणाजोग्गा ॥१२७॥ ता मुञ्च पुत्ति ! खेयं चिन्तेह नियअन्तराइयं चेव । गिहधम्मपरा चिट्ठसु जा झिज्झइ तुज्झ तं कम्मं ॥१२८॥ "तीए भणियं अम्मे ! न य कज्जं किंपि गेहवासेण । गिन्हामि वयं अहयं अदिट्ठदोसा सपरितोसा ॥१२९।। एसो च्चिय मज्झ गुणो जं भत्तारेण विप्पियं विहियं । विसयामिसम्मि गिद्धा भमन्ति संसारकन्तारे ॥१३०॥ सव्वन्नूवयणदीवयसुदिट्ठपरमत्थसत्थसाराए । न य बाहइ मह मोहो लोहो वा विसयसुखाणं" ॥१३१॥ मायाए संलत्तं जावेसो वच्छि ! परिणेइ न अन्नं । ताव तुमं मा मुञ्चसु तस्सासं अच्छ नियगेहे ॥१३२॥ एवं जणणीभणिया एसा सव्वंगसुन्दरी हिट्ठा । जिणधम्मपरा चिट्ठइ कइवयवरिसाणि पिउगेहे ॥१३३॥ पत्तो ससुरो तीए अह वाणिज्जेणं कोसलपुरम्मि । तत्थ य गच्छइ नन्दणसिट्ठिघरे भोयणत्थेण ॥१३४॥ पिच्छइ दो कन्नाओ सिरिमइ-कन्तिमइ त्ति नामाओ । सव्वंगसुन्दरीए पुव्वभवे भाउज्जायाओ ॥१३५।। सोहग्गरूवजोव्वणलवणिमलच्छीहिं मयणघरिणीओ। मुत्तारइपीइओ मणहरणीओ मुणीणं पि ॥१३६॥ तो तेण मग्गियाओ पुत्तनिमित्तं दुवे वि दुहियाओ । दिन्नाओ नंदणेणं परिणीयाओ समिद्धीए ॥१३७।।
15
20
25
Jain Education International 2010_02
For Private & Personal Use Only
www.jainelibrary.org
