________________
२३७
जयन्तीप्रकरणवृत्तिः । गाथा ४।५।६
अह इह जंबुद्दीवे भरहे साकेयपुरवरे हुत्था । . विक्कमजसो नरिन्दो इब्भो सिट्ठी असोग त्ति ॥८६।। हरिणीनयणा करिणीगमणा पुण तस्स सिरिमई घरिणी । धणसिरिबन्धवजीवा तप्पुत्ता सग्गओ जाया ॥८७।। पढमो सागरदत्तो समुद्ददत्ताभिहो य बीओ त्ति । रूवेण जुव्वणेण य पुन्ना पुन्निमससीसोमा ॥८८॥ धणसिरी जीवो गयउरनयरे सिरिसंखसिट्ठिघरिणीए । लच्छीए कुच्छीए पुत्ती सग्गा समुप्पन्ना ॥८९॥ सव्वंगोवंगाणं चंगिममवलोयइऊण जणएण । सव्वंगसुन्दरि त्ति य तीए नामं कयं तयणु ।।९०॥ आबालाओ बाला पुव्वब्भासेण जिणवरमयम्मि । अणुरत्ता सा भत्ता जिणाण मुणिपुंगवाणं च ॥९१॥ अह पढइ सुणइ एसा जाणइ अत्थं समत्थपसत्थाण । गिहिजोग्गाणं बाला अबालचरियाए वट्टन्ती ।।९२॥ पत्ता जुव्वणलच्छि जीए मुज्झन्ति तरुणदिट्ठीओ ।
सोहग्गरयणखाणी लावन्नतरंगिणी जाया ॥१३॥ किं बहुणा ?
अंगोवंगपइट्टियलक्खणसुपसत्थसुन्दरसरीरा । सा दोलावइ हिययं दिट्ठा नूणं मुणीणं पि ॥९४॥ अह साकेयपुराओ गयउरनयरे असोगसिट्ठी वि । वाणिज्जेणं सम्पत्तो सेट्ठिसंखेण ववहरइ ॥१५॥ तेणऽन्नदिणे भणिओ मह गेहे ते अवस्स भुत्तव्वं । तेण वि दक्खिन्नेणं भणियं जं भणसि तं काहं ॥१६॥ तो गउरवेण भोयणसामग्गीए कयाए आहूओ । आगच्छइ असोगो गेहे संखस्स सेट्ठिस्स ॥९७॥ तस्स य कंचणथाले अइसरसं भोयणं कुणंतस्स । सव्वंगसुन्दरी सा वीयणगकरा कुणइ भत्तिं ॥९८॥
25
Jain Education International 2010_02
For Private & Personal Use Only
www.jainelibrary.org
