________________
२३६
जयन्तीप्रकरणवृत्तिः । गाथा ४।५।६ गोसे वि य कमलसिरी मिलाणमुहनयजुयलपंकरुहा । दिट्ठा धणसिरीए उत्तिन्ना वासभवणाओ ॥७३॥ पुच्छइ तो नणन्दा भद्दे ! कहमज्ज तं निराणन्दा । जम्पइ कमलसिरी वि य जाणइ तुह बन्धवो चेव ॥७४॥ तो तयहत्तं वुत्तं वीसत्था कुणसु गेहकिच्चाई । तह बन्धवं भणिस्सं जह सुत्थं होइ सव्वं पि ॥७५।। तत्तो धणसिरीए धणावहो बन्धवो इमं भणिओ । कीस तए कमलसिरी मन्नुभरं पाविया अज्ज ? ॥७६।। तेणुत्तं बहिणि इमा लोहन्धा कुणइ चोरियं जेण । नाय मिणं कह तुमए ? रक्खसु हत्थं ति तुह वयणा ॥७७।। इय बंधवेण वुत्ते धणसिरी भणइ अइवियड्ढोऽसि । जइ गुणहेउं भणियं ता किं दोसो हवइ तीए ? ।।७८।। ता सव्वहा वि खामसु भयणीवयणेण महुरवाणीए । तेणोवसमिया तह जह सित्ता अमियधाराए ॥७९॥ तो मणियभायचित्ता विसेसदाणाइधम्मकम्मरया । सा सलहणिज्ज त्ति लोए कइवयवरिसाणि गमिऊण ॥८०|| अह पव्वज्जाभिमुही भणिया भाऊहि बहिणि ता चिट्ठ । सव्वाण वि पव्वज्जं गिहिस्सामो गुरूणन्ते ।।८१॥ आगमविहिणा तत्तो विहवं दाऊण चेइयघरम्मि । पव्वज्जा निरवज्जा पडिवन्ना तेहि गुरुमूले ॥८२।। गुरुकुलवासे गिरिकन्दरम्मि पालन्ति सिंहवित्तीए । मोहकरिकुम्भदलणे मुत्तियसुहसम्पयं लहिउं ॥८३॥ भवियव्वयावसेणं संविग्गाए वि कहवि विम्हरियं । किंतु तं मायासल्लं धणसिरीए समुद्धरिउं ।।८४॥ तत्तो अणसणविहिणा समाहिपत्ताणि ताणि सव्वाणि । गच्छन्ति देवलोए भुंजन्ति य तत्थ सुक्खाई ॥८५॥
20
25
Jain Education International 2010_02
For Private & Personal Use Only
www.jainelibrary.org
