________________
२३२
जयन्तीप्रकरणवृत्तिः । गाथा ४।५।६ तो सविसेसं दाणं दिन्ती सुमणोवियाससोहिल्ला । जससुरहियसव्वासा पूरइ तक्कुयजणाणाऽऽसं ॥२१॥ अह पुन्नपरिणईए तीए गेहम्मि इन्ति वयणीओ । भिक्खट्ठा अन्नदिणे पडिलाहइ सा वि सन्तुट्ठा ।।२२।। पुच्छइ धम्मतत्तं वइणीओ बिन्ति कप्पए नऽम्हं । कहिउं धम्मकहं पि य भिक्खायरियापविट्ठाणं ॥२३।। वेसमणधणियगेहे चिट्ठइ अम्हं पवित्तिणी भद्दे ! । सा धम्मकहं तुम्हं कहिही भणियं जिणिन्देहिं ॥२४॥ वुत्तुत्तरम्मि तत्तो वइणीवयणामएण सित्तंगी । वेसमणगिहे वसहिं भाउज्जायाहिं सह एइ ॥२५।। तत्तो पवित्तिणीए सिवपुरवरवत्तिणीए सच्छाहो । कहिओ जिणिन्दधम्मो दावियनिस्सेसजियसम्मो ॥२६॥ जीवदयासारेणं घणगज्जिगहीरधम्मकहणेण । जिणवयणरुइवल्ली ताणं हिययत्थले रूढा ॥२७॥ तो वियसिए विवेए ताणं कुसुमुज्जलम्मि पइदियहं । जिणपूयाइविहाणे गच्छइ दूरं परिमलो वि ॥२८॥ अह बन्धवा वि तीए भणिया गच्छह पवित्तिणीपासे । धम्मारामे जम्हा लब्भइ बोही सया सहला ॥२९॥ सुलहा सुरलोयसिरी रयणायरमेहलामही सुलहा । एक्कम्मि नवरि दुल्लहा जिणिन्दवरसासणे बोही ॥३०॥ लज्जाए रज्जूए अम्हे संदाणिया जओ तेण । मयहरियाए समीवे कह गच्छामो ? भइणि तत्तो ॥३१॥ जइ एइ कहवि सूरी अम्हाणं पुन्नपगरिसेणेह । तो तेसि पायमूले गच्छामो कप्परुक्खाणं ॥३२॥ इय तव्वयणं सुच्चा धणसिरी भणइ बन्धवाभिमुहं । सव्वं धन्नाणं चिय हवइ हु मग्गाणुसारित्तं ॥३३॥
15
20
25
Jain Education International 2010_02
For Private & Personal Use Only
www.jainelibrary.org
