________________
२३०
जयन्तीप्रकरणवृत्तिः । गाथा ४।५।६ तं मिहुणगं करेणं घेत्तुं हरिसेण खन्धदेसम्मि । आरोवियं तओ सो सरलो कुलगरपयं पत्तो ॥८॥ वंको जावज्जीवमायादोसेण वाहणो जाओ। नियडीवंसकुडंगी सिवपुरपंथे खलइ एवं ॥९॥ तम्हा गुरूवएसा एसा माया बुहेहिं चइयव्वा । पावट्ठाणं सल्लं जिणधम्मे मोक्खमग्गम्मि ॥१०॥
इदमपि मायाख्यानकम् समाप्तम् ॥ अन्नं च
धणसिरीए मायासल्लेण धम्मकज्जम्मि । विहिएण अणालोइय अपडिक्कन्तेण जं दुक्खं ॥१॥ पत्तं अन्नम्मि भवे अभक्खाणेण दुविवागेण ।
इह तं पि सुणिज्जंतं वेरग्गं जणइ भव्वाणं ॥२॥ तहाहि
दीवे जंवुद्दीवे दक्खिणभरहद्धमज्झिमे खंडे । नामेण सुपसिद्धं आसी पुचि वसंतपुरं ॥१॥ तत्थासि पुहविनाहो जियसत्तू नीइविक्कमसणाहो । पुरपरिहसरिसबाहो अइसयपडिवन्नव्वाहो ॥२॥ तत्थ धणेसरसिट्ठी दाणाइगुणेहिं जणियजणवुड्डी । आसी धणेण धणओ अणुत्तरो किन्तु लोगम्मि ॥३॥ तस्स य भज्जा लच्छी विणयवई सरसकुवलयदलच्छी । धणवइ-धणावहाभिहपुत्ता दो तीए उप्पन्ना ॥४॥ धूया य धणसिरी जा मयरद्धयरायरायहाणिसिरी । पुत्ताणं पत्तीओ पउमसिरी तहय कमलसिरी ।।५।। एयाओ वियड्ढाओ जुव्वणरूवाइगुणगणड्ढाओ। कुलसीलमहग्घाओ पइभत्तीए अविग्घाओ ॥६॥ अह अन्नया विइन्ना पिउणा पउमावइए नयरीए । ईसरसिट्ठिसुएणं परिणीया धणसिरी कन्ना ॥७॥
25
Jain Education International 2010_02
For Private & Personal Use Only
www.jainelibrary.org
