________________
२२९
जयन्तीप्रकरणवृत्तिः । गाथा ४।५।६
पडिचोइया नियत्ता चउत्थवेलाए तह पवित्तीए । तीए गुरुवुत्तीए पूयासत्ताए पडिवोत्तं ॥३०॥ पुव्वपवाहेणेसो भयवं लोओ करेइ महपूर्य । एवं मायासल्लं कयल्लयं पण्डुरज्जाए ॥३१॥ तत्तो पढमे कप्पे मायासल्लेण सा समुप्पन्ना । एरावणगयरमणी ससल्लचारित्तदोसेण ॥३२॥ एसो खु पावपगई इत्थीभावे वि हत्थिीभावो । दियलोए वि पराभवट्ठाणं एवं कुदेवत्तं ॥३३॥ तम्हा सुदिढगुणावहपरलोयपसाहणम्मि धम्मम्मि । परिहरियव्वं सव्वं मायासल्लं पयत्तेण ॥३४।।
मायायां कथानकं समाप्तम् ॥
10
तहा
gs संति इह जम्बुद्वीपे अवरविदेहम्मि दो वणियपुत्ता ।
मित्ता सिणिद्धचित्ता वणिज्जवावारआसत्ता ।।१।। एगो सरलप्पगई दाणरुई विणयपरिणई आसि । किल सच्चमणोवयणो आणन्दियसयलसुहिसुयणो ॥२॥ अवरो वञ्चणपवरो मायावल्लीवियाणदिढकन्दो । चन्दो इव सियपक्खे कलाहिं कुडिलाहिं पडिपुन्नो ॥३॥ अह दाणदयाविणयावज्जियनिव्विग्घभोगफलपुन्नो । उप्पन्नो सरलमणो भरहे मिहुणगनरो सुहओ ॥४॥ मायल्लो पुण मित्तो वंचणचित्तोऽवसाणसम्पत्तो । जाओ उज्जलदेहो करिराओ नं सरयमेहो ॥५॥ ताणऽन्नदिणे दंसणे हरिसवसोल्लसियहिययकमलाण । जायं जाईसरणं पुव्वभवप्पीइवित्थरणं ॥६॥ जं पुव्वभवे करिणा अइसंधारणेण अज्जियं कम्मं । तं उइयं तत्थ खणे तस्स पभावेण तो तेण ।।७।।
20
25
१. वञ्चकेन ।
Jain Education International 2010_02
For Private & Personal Use Only
www.jainelibrary.org
