________________
२२१
10
जयन्तीप्रकरणवृत्तिः । गाथा ४।५।६
एवं कोवभरेणं भरहो परिचिन्तिऊण जत्तेणं । गहिऊण बाहुबाहुं नामिउमिच्छइ नियकरेण ॥१४॥ न य नमइ तस्स बाहा तिलतुसमित्तं पि वज्जधारेव । न वि चलइ जहा सुरगिरिचूला जलरासिमेर व्व ॥९५॥ नामन्तो चालन्तो वावारियसव्ववीरियायारो । भरहो कोवहुयासणआयंबिरलोयणो जाओ ॥१६॥ बाहुबलिस्स समप्पइ मूढप्पा अप्पणो भुयादण्डं । मिच्छाभिनिवेसेणं जीवा न मुणन्ति अप्पाणं ॥९७॥ उप्पलनालं व तओ वामकरग्गेण तेण लीलाए । नामिज्जइ भुयदण्डो सद्धिं भरहस्स माणेण ॥९८॥ गुरुमाणसाहिमोडणकडयडरवडम्बरेण तो जाओ। देवमणुएसु अम्बरपसमिरअट्टहासज्झूणी ॥९९॥ बालाण कीलणेहिं इमेहिं जुद्धेहिं किन्नु सुहडत्तं ? । दिट्ठमुट्ठिचंडदंडाइघायं धीराण तं होइ ॥१००॥ एवं भणिरे भरहे बाहू रोमञ्चकञ्चुकियसरीरो । आह मिहो जुज्झामो मुट्ठीहि बलं च बुज्झामो ॥१०१।। जयसिरिविलासगेहे देहे बाहुस्स भरहमुट्ठिघणो । हिययम्मि वज्जकुट्टिमतलकढिणे पडइ तो झत्ति ।।१०२।। तिणफंसेण वि बाहू दूमिज्जइ नेव तेण घाएण । एसो वि भरहवच्छे मुट्ठिपहारं दिढं देइ ॥१०३।। तेण य भरहो मुच्छियचेयन्नो भिंभलच्छिसरसिरुहो । सिहिपिच्छगुच्छछिन्नं गयणं पिच्छइ खणमेगं ॥१०४॥ खणमित्तेणं भरहो अविहत्थो सुदिढदंडधरहत्थो । बाहुबलिस्स मएणं उवट्ठिओ दंडजुद्धेणं ॥१०५।। सो देइ दण्डघायं दिसासु उठ्ठिन्तगहिरपडिनायं । बाहू वि सहइ सरसीरुहनालप्फासलीलाए ॥१०६।।
15
20
25
१. आताम्र । Jain Education International 2010_02
For Private & Personal Use Only
www.jainelibrary.org
