________________
२२२
जयन्तीप्रकरणवृत्तिः । गाथा ४।५।६ तो मेरुगिरिसरिच्छे बाहुबलिखित्तदण्डघायपया । रेहंति भरहदेहे पाणियउत्तारमग्ग व्व ॥१०७॥ समरभरमन्दरेणं भरहो जलही अइवनिम्महिओ। देवसमक्खं जाओ कोहो तो कालकूड व्व ॥१०८॥ कोवभयकन्तमणो भरहो चिन्तइ किमेस चक्कि त्ति ? । तो तस्स करे अप्पइ चकं किर देवया झत्ति ।।१०९।। उत्तमजुद्धपइन्नाजिवियरहिओ इमो त्ति बाहुबली। निन्दन्तो अवलोयइ चक्ककरं तं करंकं व ॥११०॥ कुले पहवइ न चक्कं जालामालाहिं जइ वि चक्किकं । अइसयतत्तं पि जलं न नियदाहं करइ जेण ॥१११॥ तो भुयबलेण इमिणा सह चक्केणं इमं नु चूरेमि ? । अहवा न जुत्तमेयं असारविसयाण कज्जेण ॥११२॥ मुद्धो कुद्धो गिद्धो एसो विसएसु विसविसेसेसु । जम्हा मुहमहुराणं विरसो तेसिं परिणामो ॥११३॥ जस्मल्लसियपयावो तइलोक्कदिवायरो जिणो जणओ । भरहो सणिच्छरसमो दोसागयदंसणो जं सो ॥११४।। किं जुज्झेण ? बन्धवरज्जग्गहणेण पीयपाणीओ । धारइ जलहीए एसो चक्कं वडवानलं वेगं ॥११५॥ सिरिउसहस्स वि पुत्तो एसो न कुडुम्बभरधुराधवलो । सयणभरं निहणन्तो भरहो भरहो त्ति सच्चमिणं ॥११६।। अहवा विसयपिवासा महापिसाई वियम्भए एसा । जीए घत्था जीवा कज्जाकजं न याणन्ति ॥११७॥ बाहुबलगव्वपव्वयसिहरारूढो अहं पि संमूढो । जं रुद्दज्झाणहेऊ भरहनरिन्दस्स संजाओ ॥११८॥ ते सिद्धा सुकयत्था परमपयत्था सयासुहसमिद्धा । जे अवराण जियाणं न कारणं कम्मबन्धस्स ॥११९।।
20
25
Jain Education International 2010_02
For Private & Personal Use Only
www.jainelibrary.org
