________________
२२०
10
जयन्तीप्रकरणवृत्तिः । गाथा ४।५।६ जीवाणं कोडिसमारोहे धम्मो मए परिग्गहिओ । परलोयसाहणपरो जं एसो सरलयासहिओ ॥८१॥ सक्कयवयणेण एवं भरहनरिन्देण पक्खगहणम्मि । पुच्छइ बाहू वि तहा धम्मो जइ पहरणसंरूवो ॥८२॥ जीवाण तेण घाओ कोडिसमारोहणं कहं तम्मि ? । कुगईए सो हेऊ परलोयपसाहणो कहण्णु ? ॥८३॥ तम्मि य सम्मं चिंतह जुज्जइ न य सरलया वि भावेण । तो एस धम्मपक्खो उत्तमपुरिसाण न हु जुत्तो ॥८४॥ अह जिणधम्मो गहिओ सो वि य जइ केसवस्स सम्बन्धो । निच्चिय तत्थ वि दोसा रागदोसा जओ हुन्ति ॥८५।। सुगयपणीओ अहवा जिणधम्मो तुम्ह संगओ इत्थ । मिच्छादसणसल्ले तत्थ वि सुगई कहं होइ ? ॥८६॥ अह अरिहंतजिणेहिं कहिओ धम्मो तए परिग्गहिओ। सो अम्ह सम्मउ च्चिय निरत्थयं साहणं तुम्ह ॥८७॥ इच्चाइवयणविन्नासपाससुनिजन्तिया भरहवाणी । सउणीव जयसमक्खं नोल्लासि पक्खमेगं पि ॥८८॥ बाहू पंडियचक्की भरहो रयणेहिं चक्कवट्टि त्ति । जाओ जए पवाओ गुणवणभक्षणमहावाओ ॥८९।। परमियमहुररवाणं न तक्कगिद्धी वि रायहंसाणं । बाहुबलं चिय बाहो ! परिक्खियव्वं हवइ अम्ह ॥१०॥ एवं पि भरहभणिए बाहुबली भणइ रणरसुच्छाहो । भुयनामणमित्तेणं जमुत्तमं बाहुजुद्धं पि ॥९१॥ तो मह एयं नामय वामं सरलीकयं भुयादण्डं । तुह बाहुलयं बंधव ! तयणु अहं नामइस्सामि ॥१२॥ इमस्स वच्छस्स समुन्नयस्स साह व्व बाहा सरलस्सहावा । इम्हि मए सा निवकुंजरेण करेण घेत्तुं लहु मोडणीया ॥१३॥
15
20
25
Jain Education International 2010_02
For Private & Personal Use Only
www.jainelibrary.org
