________________
२१६
जयन्तीप्रकरणवृत्तिः । गाथा ४।५।६ किं बहुणा
गसइ ससिं तारायणगय पि साहसबलेण जह राहू । तह बाहू वि तुमं बहुबलं पि जेउं समीहेइ ॥३१॥ सोऊण बाहुबलिणो दूएणणुभासियाणि वयणाणं ।
चिंतेइ भरहराया अहो इमो सिंहसच्चरिओ ॥३२॥ यतः
"एकोहमसहायोऽहं किशोहमपरिच्छदः । स्वप्नेऽप्येवंविधा चिन्ता मृगेन्द्रस्य न जायते" ॥३३॥[ ] एक्को वि करिघडाणं विहाडणो होइ केसरिकिसोरो । एक्को सहस्सकिरणो हरेइ तिमिराण रिच्छोलीं ॥३४॥[ ] हरिउं पि न जुत्तं चिय बन्धवरज्जाइं तायदिन्नाइं । किन्तु मह चक्कवट्टित्तणेण एसो महामोहो ॥३५॥ एत्ताहे पुण आरम्भिऊण जुझं करेमि जइ नाहं । कापुरिसो त्ति महन्ती इमा महोहावणा होइ ॥३६॥ ताऽवस्सं गन्तव्वं तयहुत्तं ताव आहवनिमित्तं । नाऊण पुणो चित्तं जं जुत्तं तं करिस्सामि ॥३७॥ "एवं विणिच्छिऊणं पसत्थतिहिकरणजोगनक्खत्ते । सुमुहुत्ते भरहिन्दो पत्थाणं कुणइ सन्नद्धो ॥३८॥ पडिवक्खरुक्खभञ्जणसज्जा अंजणगिरिन्दसुन्देरा । भद्दगयन्दा मयरसपवाहलुद्धलिझंकारा ॥३९॥ वेगाइगुणगणेणं निढुरक्खुरखुन्नरेणुखिवणेण । रविवाहाण अवन्नं तुरया हेसाहिं व कुणंति ॥४०॥ गोविन्दसरिससारहिअहिट्ठिया दुसहरहवरा तुंगा । परबलजलनिहिमहणे अमरन्दरयमन्दरगिरिन्दा ॥४१॥ तयणु पयाणे चलिया घंटाटंकारबहिरियदियन्ता । चउरासीइलक्खा पत्तेयं भरहरायस्स ॥४२॥
15
20
25
Jain Education International 2010_02
For Private & Personal Use Only
www.jainelibrary.org
