________________
जयन्तीप्रकरणवृत्तिः । गाथा ४|५|६
रहविजण गव्वो गज्जइ एयस्स ताव करिकलहो । मह एस पंचसाहो मयनाहो परारयइ न जाव ॥१८॥ पत्तो च्चिय तस्स पुणो हंहो सवडम्मुहो अहं इन्हि । मह बाहुबलं जम्हा सहलं होहि त्ति उल्लसिओ ||१९|| सावट्ठम्भं वयणं दूओ सोऊण बाहुबलिभणियं । चिन्तइ भरहो चक्की एसो पुण उग्गबाहुबलो ||२०|| तो दुन्हं बंधवाणं सुराण असुराण माणवाणं च । होही अदिव्वं मन्ने समरंगणं किंपि ॥२१॥
चक्कं न कमइ गोत्ते अहियं बाहुबलमह भरहपुन्नं ? | मज्झ मणो आरूढं एवं सन्देहदोलाए ||२२|
इच्चाइ चिंतिऊण दूओ पच्चागओ अउज्झाए । पणमिय भरहनरिंदं सविम्हओ विन्नवइ एवं ||२३|| बाहुबली रणरसिओ सामिय तुहवयणाओ समुल्लसिओ । तस्स बलजलहिवेला वाणी वि गिरिंददुन्निवारा ||२४|| कुलपव्वओ वि एसो न कूडघडिउन्नई खमाहारो । देव भरहस्स सीमंधारिउंकामो जहा हिमवं ||२५|| गोत्तपरिरक्खणुज्जमजुत्तो रयणायरु व्व बाहुबली । तीरट्ठियभरहे पुण खारुग्गारं बहुं किरइ ॥ २६ ॥
बन्धवरज्जवहारं पराहवं मन्नए बहुं जेण । तेण पराहवइच्छा इमस्स तुच्छा समुच्छलिया ||२७|| रुट्ठो वि सामि ! मन्नइ जिट्टं तुममेव एस बाहुबली । गोत्तपयाणं दिन्तं दुसहं तावं च सोसं च ॥ २८॥ अहवा सच्चं तवणो तुमं सि भुवणम्मि देव ! उदयन्तो । अवहरसि जेण सहसा सपक्खतेयस्सितेयाणि ॥ २९ ॥ तह भणइ देव ! बाहू सकज्जलग्गोऽसि तं कुलपइवो । सच्चं जं नियट्ठाणं कलुसन्तो नेहनिट्ठवणो ॥३०॥
Jain Education International 2010_02
For Private & Personal Use Only
२१५
5
10
15
20
25
www.jainelibrary.org
