________________
२१४
जयन्तीप्रकरणवृत्तिः । गाथा ४।५।६ तत्तो अणेण वुत्तो दूओ भुयग्गहेण तुम्ह पहू।। गहिओ इव जं जम्पइ रहिओ सत्तेण नेहेण ॥५॥ भरहे पसाहिए किं ? पसाहिओ एस रायलच्छीए । तुच्छो कुच्छियचरिओ जो एवं बन्धुपरिहरिओ ॥६॥ लहुबन्धवा इमेणं उज्झियलज्जं विमुक्कमज्जायं । भणिऊण भेसिऊण य पवज्जं गाहिया झत्ति ॥७॥ कायसमो वि न एसो बन्धवरहिओ जमित्थ भोगत्थी । लद्धं बलिं न भुंजइ जं सो बन्धूण कयसद्दो ॥८॥ बन्धवरज्जग्गहणे सूरग्गहणि व्व तस्स तमपसरो । सो जाओ जेणेसो अप्पपरत्ताणसम्मूढो ॥९॥ एसो जलप्पवाहो अइसयकलुसो रयणिवढ्तो । तीरट्ठियवच्छाणं समूलकासंकसो सच्चं ॥१०॥ इक्खागकुले कमलायरम्मि परमोययम्मि भरहेण । बन्धवरज्जवहारे अयसो भमरु व्व संलीणो ॥११॥ ऊणं न बंधवाणं, संजमरज्जं जिणेण जं दिन्नं । भावारिदलणवज्जं निरवज्जं तिजयनमणिज्जं ॥१२॥ रे दूय ! किंतु भरहो परिसप्पिरदप्पसप्पविसमुच्छो । वियलियविवेयदिट्ठी जाणइ नऽप्पं परं वावि ॥१३।। तम्हा आहवमहिमण्डलेण मन्तेण मण्डलग्गेण । देवाईण समक्खं दप्पविसं संहरिस्सामि ॥१४॥ जं पुण भणियं रणरससज्जो वा हवसु दूय ! भरहेण । छुहियस्स भोयणेणं निमन्तणं तमिह पडिहाइ ।।१५।। हिट्ठस्स अवन्नाए ट्ठियस्स परितज्जणं व सीहस्स । अइनिट्ठरवयणेणं सुत्तस्स व तस्स पडिबोहो ॥१६।। ता दूय भणसु गन्तुं आगच्छइ जेण दससीमाए । लंघियकुलाइसीमो रणकेलिमणोरहो भरहो ॥१७।।
15
20
25
Jain Education International 2010_02
For Private & Personal Use Only
www.jainelibrary.org
