________________
२१०
जयन्तीप्रकरणवृत्तिः । गाथा ४।५।६ एएणं वयणेणं जिणिन्दभणिएण सेणियनरिन्दो । जलहि व्व समुल्लसिओ सहसा चंदोदएणेव ॥७२॥ खणमेकं जावऽच्छइ तो पेच्छइ देवलोयउम्मीओ। सुरदुन्दुहीनिनायं मुणेइ ओसरणबाहिं सो ॥७३॥ विम्हयतरलमणेणं सेणियराएण तो जिणो पुट्ठो । भयवं किमत्थ दीसइ ? कल्लाणमुवट्ठियं अहुणा ॥७४॥ वज्जरियं जयगुरुणा पसन्नचन्दस्स मुणिवरस्सिहि । सुक्कज्झाणोक्करिसा उप्पन्नं केवलं नाणं ॥७५।। पुणरवि पुच्छइ राया भयवं पढमम्मि पसिणवागरणे । सत्तमनरए गमणं मए सुयं किन्नु ? मोहेणं ॥७६।। भयवं पि भणइ सेणियनरिंद समयम्मि तम्मि सो मणसा । रोद्दज्झाणवसट्टो समरपयट्टो मुणी आसी ॥७७॥ दुम्मुहवयणमिन्धणकोहानलजलियसमणगुणवत्थो । वइरीहिं समं समरे मणेण जीवे हणइ तइया ॥७८॥ छिज्जन्ति छत्तदण्डा महल्लवावल्लभल्लसिल्लेहिं । भिज्जन्ति हत्थिसुण्डा निसायकुन्तग्गखग्गेहि ॥७९॥ वच्छाभोयं छिदइ रिऊण खरधारपरसुधाएण । जज्जरइ देहपंजरमुदग्गमुग्गरपहारेण ।।८०॥ लहिऊण किन्हलेसं निस्सेसं रिउबलं स चूरिन्तो । अइकोहगहग्घत्थो अपसत्थो खिवियविविहसत्थो ॥८१।। मणसा चिन्तइ सोणियधुणीए बुज्झन्ति तुरयतुंडाई । नच्चन्ति य रुण्डाई मुडन्ति मुण्डाई सुहडाणं ॥८२।। एयज्झवसाणो सो रिसी तए पणमिओ तओ राया । तेण तुह धम्मलाभो न भासिओ नासिओ धम्मो ॥८३॥ धम्माओ पणट्ठाणं भट्ठपइन्नाण दुट्ठचिट्ठाण । अपइट्ठाणनिवासो मरणे जइ होइ किं चोज्जं ? ॥८४॥
15
20
25
Jain Education International 2010_02
For Private & Personal Use Only
www.jainelibrary.org
