________________
२०८
जयन्तीप्रकरणवृत्तिः । गाथा ४।५।६ सुमुह ! मुणिन्दो एसो पसन्नचंदो वि संपयं नृणं । एएण अत्तएणं मएण कलुसीकओ होही ॥४७॥ सुमुह ! तइ च्चिय वुच्चइ एसो साहु पसन्नचन्दो त्ति । अम्हे पुण जंपेमो एसो दोसायरो सच्चं ॥४८।। पुव्वज्जियसुकयएणं सवसं रज्जं चइत्तु एस निवो । संसइयपरलोइयसुहाभिलासी महामूढो" ॥४९॥ अह दुम्मुहदुव्वाणी वंसकुडंगी जणेइ सल्लन्ती । हिययत्थलम्मि मुणिणो कोवं दावं महातावं ॥५०॥ उच्छलइ किन्हलेसा बहला सन्नाणनयणपडिकूला । पसरेण खमाभोगं कलुसन्ती धूमकुरुलि व्व ॥५१॥ डज्झइ करुणावल्ली मूलगुणुल्लसियपल्लवमहल्ला । तत्तो खणेण दटुं चिररूढं संजमवणं पि ॥५२॥ जं एस रिसी चिन्तइ पसन्नचन्दो मए वि जीवन्ते । मह पुत्तो सत्तूहि रुद्धो खुड्डो त्ति दुस्सहमिणं ॥५२॥ तेसिं रिउवग्गाणं वग्गन्ताणं पि रणरसुच्छाहो । सन्नद्धबद्धकवओ नच्चाविस्सं कबन्धाइं ॥५३॥ मंडलियचावदंडो पयंडनारायघायसंघाओ। तेसिं गयन्दमत्थयमुत्ताभारं गहिस्सामि ॥५४॥ चक्केहि विमुक्केहिं सवाणिएहि रणंगणसरं पि । सत्तूण सिरसरोरुह-मंडियमज्झं करिस्सामि ॥५५॥ रुद्दज्झाणपविट्ठो चिट्ठइ जावेस अइसयकिलिट्ठो । दिट्ठो ताव समागयसेणियरन्ना पहि पहिडेण ॥५६।। आयावन्तं दळू पसन्नचन्दं मुणिन्दमवईन्नो । गयखंधाओ राया वन्दइ परमाए भत्तीए ॥५७॥ एसो वि रिसी मणसा सत्तुनिसुम्भपवट्टसरंभो । पिच्छइ नेव नरिन्दं न धम्मलाभं पयच्छेइ ॥५८॥
20
25
Jain Education International 2010_02
For Private & Personal Use Only
www.jainelibrary.org
