________________
२०७
तथाहि
जयन्तीप्रकरणवृत्तिः । गाथा ४।५।६
पुरिसोत्तमस्स दंसणमेयस्स सुदंसणं हवइ जेण । मूलं छिज्जइ पावारीणं समत्थाणं ॥३४॥ ते च्चिय सूरा ते पयडपोरिसा ते वहन्ति वीररसं । जे अंतरंगरिउवग्गनिग्गहे विक्कमोक्करिसा ॥३५॥ अहिमाणमत्तमवमन्निऊण संसारकारणं रज्जं । धन्ना हु मोक्खमग्गे लग्गा कम्मट्ठनिट्ठवणे ॥३६।। एएण महामुणिणा हरिणा मयतहनिग्गहपरेण । खेत्तम्मि विणयसालिणि सुकयकणाणं कया रक्खा" ॥३७॥ सुमुहो पसन्नचंदा उल्लसिओ सो समुद्दमुत्तिधरो । दुमुहो विप्पियभावो चक्को इव विरससद्दालो ॥३८॥ 'सुमुह तए एस मुणी अमुणियतत्तेण संथुओ कीस ? । अणहुन्तगुणुल्लवणं लवणं माहप्पसस्सस्स ॥३९।। एसो कन्नविसेणं ग्घत्थो सुरलोयलच्छिलोहिल्लो । रज्जम्मि अकयकरणं पुत्तं ठविऊण पव्वइओ ॥४०॥ संपइ पत्तो पोयणपुरम्मि पडिवक्खलक्खरुद्धम्मि । खुद्धम्मि सयललोए वट्टइ पाणाण सन्देहे ॥४१॥ चइऊणं रज्जमिणं कमागयं जं वयं गहियमेयं । रायाण पयापालणधम्मो चत्तो तओ इमिणा ॥४२॥ एयम्मि पुत्तवसणे कसिणे पुरदाहधूमलहरीहिं । होही इमस्स वंसे नूणमकित्ती पडाय व्व ॥४३॥ पोयणपुरवरभंगं मन्ने अचिरेण जेण रिउवग्गो । उग्गो दढं विलग्गो वग्गन्तो वग्गुदलसग्गो ॥४४॥ रज्जे रढे नढे सुमरिज्जन्ते घरिणि व्व अणुतावो । इमिणा वयम्मि कट्ठे पडिवन्ने कह न होहि त्ति ? ॥४५॥ गोसमणमाहणाइयविघायपावेण एस आलिद्धो । मुद्धो पसंसणिज्जो कहं हवेज्जा ? अणज्ज व्व ॥४६।।
15
20
25
Jain Education International 2010_02
For Private & Personal Use Only
www.jainelibrary.org
