________________
२०६
जयन्तीप्रकरणवृत्तिः । गाथा ४।५।६ विहरइ जिणेण सद्धिं गामागरनगरमंडियं वसुहं । पत्तो कमेण तत्तो रायगिहे मगहदेसम्मि ॥२१॥ भयवं वीरजिणिन्दो समोसढो देवदाणवाणन्दो । वइभारगिरुज्जाणे गुणसिलए नन्दणसिरीए ॥२२॥ सो वि य मुणी महप्पा पसन्नचन्दो पलंबभुयदंडो । रायपहसविहदेसे धम्मज्झाणे थिरो होइ ॥२३॥ अह अत्थाणनिविट्ठो सेणियराया निउत्तपुरिसेहिं । वद्धाविओ जिणगमकल्लाणेणं पहिलैहिं ॥२४॥ तो तेसिं पारिओसियदाणं दाऊण आसणं मोत्तुं । सत्तट्ठपए चलिउं तत्थ ट्ठिओ वन्दइ जिणिन्दं ॥२५॥ सिंहासणे ट्ठि) पुण महूसवं कारवेइ नयरम्मि । कारागारविसुद्धिं चेइयपूयाइयं राया ॥२६॥ सव्विड्डीए नायरलोएणं वीरवन्दणमणेण । आगन्तव्वं घोसणमेवं कारइ पडहपुव्वं ॥२७॥ न्हाओ कयबलिकम्मो सिंगारियहत्थिरायसेयणगे । आरूढो सियच्छत्तो ढलन्तसियचामराडोवो ॥२८॥ चउरंगबलसमग्गो बन्दिजणुग्घुट्ठमंगलगुणोहो । सुररायसरिससोहो जिणिन्दवंदणकउम्माहो ॥२९॥ सेणिओ महानरिन्दो नयरा नीहरइ रायगेहाओ। सुमुहो दुमुहो य दुयं तप्पुरओ जंति दो पुरिसा ॥३०॥ सुमुहो पसन्नचन्दं मुणिन्दमवलोइऊण साणन्दो । वियसियकुवलयसच्छहनयणो वयणं इमं भणइ ॥३१॥ 'धन्नो एस मुणिन्दो जेण महामोहगयमयन्देण । अणुरत्ता रायसिरी पडग्गतिणं व परिचत्ता ॥३२॥ भन्नइ लोए लच्छी एसा किल होइ वारुणीभइणी । तीए उवभुत्ताए न जस्स मुच्छा महच्छरियं ॥३३।।
15
20
25
Jain Education International 2010_02
For Private & Personal Use Only
www.jainelibrary.org
