________________
२०५
जयन्तीप्रकरणवृत्तिः । गाथा ४।५।६
तथाहि$ पोयणपुरे पुरन्दरपुररिद्धीए रम्मे सुपव्वविन्देहिं ।
राया पसन्नचन्दो आसि पुरा कुवलयाणन्दो ॥८॥ पसरन्तआवयाणं निरोहदच्छा सुहावहगहीरा । सत्ताहियपुरिसोत्तमसंगयसंपत्तसुंदेरा ॥९॥ सव्वासापरिपूरणसुचिन्नबहुसंखसुथिरमज्जाया । रज्जम्मि तस्स सचिवा दयालया जं समुद्दा ते ॥१०॥ चिन्तिज्जन्ते रज्जे तेहिं लच्छी हवेइ सा तस्स । ससुरासुरे वि लोए जीए जाओ चमक्कारो ॥११॥ एवमखंडियमाणो चंडपयावो दिणिन्दतेयस्सी । विन्हु व्व रायलच्छि माणइ सोहग्गसंभारो ॥१२॥ अह तत्थ एइ भयवं तइलोक्कदिवायरो महावीरो । उज्जाणे समोसरणे पसन्नचन्दो निवो नाउं ॥१३॥ कारावियनयरच्छणो मोयावियगुत्तिबद्धदुहियजणो । गच्छइ सव्विड्डीए वन्दइ परमाए भत्तीए ॥१४॥ आइयन्नइ धम्मकह मिहिरमहं मोहतिमिरसंहरणे । पडिबुद्धहिययकमलो पावइ चारित्तवरलच्छि ॥१५॥ थेरब्भासनिवासी सज्झायज्झाणलीणमणपसरो । सच्चं पसन्नचंदो रायरिसी होइ दियराओ ॥१६॥ सत्थत्थकलाकुसलो समिईपहे निहयमोहमहिनाहो । सवसीकयखमाए मुणिराओ विहरइ पसन्नो ॥१७॥ जस्साणा धारिज्जइ सिरसा विसएस तिहुयणे सयले । रायरिसिणा अणेणं विजिओ एसो महाराओ ॥१८॥ दोसावसारणेणं पसन्नचंदेण पुन्नवित्तेण । तवतवणेण विचित्तं किज्जइ कोसियमहाणन्दो ॥१९।। धम्मज्झाणसणाहो अंगीकयनिविडसीलसन्नाहो । निज्जिणियकोहजोहो मुक्कविरोहो इमो साहू ॥२०॥
25
Jain Education International 2010_02
For Private & Personal Use Only
www.jainelibrary.org
